“Bin ghamde Yaweh Nsi, bin Angél tse, bin ghatshùa ntsho tse neta.”​—Yobkwi 103:20

Ke ze be lèn mfà num ba Angél à?

• Yob 38:4-7

  Yaweh Nsi naʼ fiʼ ba Angél kà napte nsitshaʼa.

• Apokalipse 5:11

  Ba Angél bʼa ntshuʼ ntshuʼ tshobe.

• 1 Pétro 1:11, 12

  Ba Angél num nkù ntù num ze nekô Yaweh Nsi mfà num nsitshaʼa.

• Lukas 15:10

  Ba Angél num nkô ghaghamde Nsi neshu.

“Angél Yaweh Nsi be ntswe ben bo be mbwôg [i] là, nkwé yub bu ngeʼ.”​—Yobkwi 34:7

Be lèn à ndùke mbe ba angél kuʼni neywimde benntùn à?

• Netoʼde 19:15, 16; Daniel 6:22; Lukas 22:43; Mfaʼ Ghantum 12:6-11

  Ba Angèl naʼ ywimde Lot, Daniel, Yésu, bo Pétro.

• Héber 1:7, 14

  Yaweh Nsi be ndoʼ tse angél neywimde mbèn ntshètte ghafaʼ tse sènni.

“Mbwôg ndù kà Satan fùde be, nummbe bag à bin lèn kuaʼ nkwadenu mi.”​—2 Korintô 2:11

Ba ywètkebwô bʼa we? Numke bo nke ndiag neghù kebwô ben à?

• Apokalipse 12:9

  Taʼ angél naʼ ta tu Yaweh Nsi. Lén se bʼa Satan.

• Netoʼde 6:2

  Ngelañ Noa, tsemoʼ angél naʼ ta tu, nsweʼ num nsitshaʼa.

• Matio 9:34

  Tshen angél là tam njam Satan ntùm ze tatu, tùʼ ba ywètkebwô.

• Nebwôgde 18:10, 11

  Ba ywètkebwô num ndiag njoñ manze fa nefùde benntùn mbèn ngù nukebwô bo.

“Bin nta tu Satan, a kù zine.”​—Yakobo 4:7

Yaweh Nsi kuʼni neywimdʼo à ndùke o ta tu Satan boa ywètkebwô à?

• Mfaʼ Ghantum 19:19

  Kù tshu tsʼa ghù ntamde boa nsa, ka, mba ywètkebwô, tsʼa be mba ngùtni keʼ be njam bwe, mbèn nke nsoñde ben nà.

• Efésô 6:16, 18

  Kut yu bamntù ntshùade njam ziʼde Ñwani Nsi, mbèn ndeʼde Nsi a tshèttʼo.

• Tànkùt 18:10

  Ke ntsi lén Yaweh Nsi.