“Bin juʼ nzʼàm mba me nsi be Nsi zin, tu wut tsin be yàm nzwit mèn.”​—Yérémia 7:23

Mènntùn kuʼni nebe nshun Nsi ké?

• Netoʼde 22:18; Yakobo 2:23

  Abraham naʼ be nshun Yaweh Nsi à nummbe a naʼ nke njuʼ ntshu i mbèn ngù bamntù mfà num i.

• 2 Kronika 16:9

  Yaweh Nsi nsi ywimde ben tse bo num njuʼ ntshu i là.

• Yobkwi 25:14; 32:8

  Yaweh Nsi num mfà zenu shun tse.

• Yobkwi 55:22

  Yaweh Nsi nsi tomde shun tse.

“Num njoñ yen nu là fa, Yob ke fàn ntshu i, ke yen Nsi mba mèn zʼa keʼ tsin nà num sàm nu.”​—Yob 1:22

Satan naʼ lañde Yob à ndùke, Yob ghù à ndùke?

• Yob 1:10, 11

  Satan naʼ tshob mbe Yob keʼ nke ngamde Nsi à banban, mbèn ntshob mbe a keʼ kô Nsi.

• Yob 1:12-19; 2:7

  Yaweh Nsi naʼ fañ mbe Satan kwé njoñ tshu fa tse Yob ghù là, Satan mbèn maʼ taʼ ngokèt kebwô num i.

• Yob 27:5

  Yob naʼ ke lèn ju zʼa ghù a nke njen ngeʼ neshu là, ndaʼndù a ghô mèn ndañndañ.

“Mèn ghù nefà mba ke lo zʼa ghù là num yôg se.”​—Yob 2:4

Satan nke ndiag nebagde ze be kushun bo Yaweh Nsi à ndùke?

• 2 Korintô 11:14

  Satan tshwèt ndiag netènde ben be ta tu Yaweh Nsi.

• Tànkùt 24:10

  A num nkô be kwade mbe be keʼ kuʼni neghamde Yaweh Nsi.

• 1 Pétro 5:8

  Satan num ntshoʼ nku ben nkebàn.

• Tànkùt 27:11

  Tshoʼ nejuʼ ntshu Yaweh Nsi mbèn mbe kuaʼ nshun i. Yen nà aʼ laʼde mbe Satan bʼa ngatatte.

“Nummbe nkôni Nsi bʼa ndù be ze ntshùʼ mi, ntshùʼ mi keʼ lèt.”​—1 Yohané 5:3

O kuʼni nebe nshun Nsi à ndùke?

• Nebwôgde 6:5

  Laʼde yu nkôni mfà num Nsi. Yen nà aʼ ywimdʼo nejuʼ ntshu i.

• Esaya 48:17,18

  Juʼ ntshu Yaweh Nsi, oaʼ jù à be bin.

• Nebwôgde 30:11-14

  Ghù bamntù mbe Yaweh Nsi ke nsi bèttʼo neghù ju zʼo keʼ kuʼni neghù là.

• Filipi 4:13

  Ghù ju zʼa tsin nà, Yaweh Nsi nsi fà neta zʼa bwoñ wù là.