“Nummbe a bʼa nzendà nefét mba manze nekag tse bo be nèn nkum ntùm yôg là; ben metsili bʼa tse bo fon i là.”​—Matio 7:14

Be lèn à ndùke mbe Nsi keʼ be bam njoñ mat neghamde fa à?

• Matio 7:21-23

  Nsi keʼ be bam njoñ tshôssi fa. A keʼ bʼa njoñ tshôssi fa bèn nke ngù ze nekô Nsi.

• Matio 7:13, 14

  Ghamde nenùn num nèn à ntùm yôg matmat. Ghamde kebwô nke nèn à ntùm nebi matmat.

• Matio 7:16, 17

  O kuʼni nelèn ghamde nenùn ntshùade num mfaʼ mi. O keʼ ghù neziʼde mfà num njoñ tshôssi fa, ziʼde ndaʼ ju ze Ñwaʼni Nsi num ntswide là.

• 1 Tésalônikà 2:13; 2 Timôtio 3:16, 17

  Bam mbèn ntswidʼà ndaʼ ju zʼa ntùm Ñwaʼni Nsi là.

• Matio 4:10; Yohané 17:6

  Ghamde Yaweh Nsi mbèn ntsiañ lén se.

• Yohané 13:35

  Bin laʼde nkôni ntùn netèt bin.

• Yohané 3:36; Mfaʼ Ghantum 4:12

  Juʼ ntshu Yésu. Nsi tshùade njam Yésu njôg ben.

• Yohané 18:36; Mfaʼ Ghantum 5:29

  Kà ghù nkùnkù.

• Matio 24:14; 6:10

  Tswide tsemoʼ benntùn mbe ndaʼ Nufen Nsi bèn kuʼni nesô ben ntùm ngùtni.

Ke ze bʼo ghù kà Nsi bam yu ghamdʼà?

• Yakobo 2:19

  Netshob mbe o bam Nsi keʼ kuʼ. O ghù neze ju ze Ñwaʼni Nsi tshob là.

• Esaya 52:11; Apokalipse 17:5

  Tshôssi kebwô, “Babilon ze ndùb” num ntswide benntùn neghamde Nsi num mat zʼa keʼ bam nà. Tshu tshôssi kebwô num ntswide là bʼa: nsi tu tat, netshob mbe mèn num kwù ke kwù, bo ndà mbwôge.

• Apokalipse 18:4, 8

  Me ndaʼndaʼ Yaweh Nsi biagde njoñ tshôssi kebwô fa. Be ghù neghuaʼ njoñ tshu fa tsʼa ghù ntamde bo tshôssi kebwô là.

• Marko 10:28-30

  Bo nsi tshoʼ nku mu nkebàn, ndaʼndù Yaweh Nsi ke nsi ghuaʼ o.