“Nummbe Nsi lo kô njù neshu, kà mfà nkwi Mén i ntshùʼ ndù mba we lo zʼa bam i là, kʼa bi, là ndù a ghù yôg matmat.”​—Yohané 3:16

Nsi laʼde ze nkôni num o à ndùke?

• Yobkwi 91:2

  Yaweh Nsi bʼa ze be ndàlem. A kuʼni nesô ben ntùm tse ben ngùtni ndonni.

• Yobkwi 37:29

  A fà nywinde a bwô ntshùade là ben num ndùmànyam.

• 1 Timôtio 6:12, 19

  Nsi nsi fà yôg matmat ben ntùm ntswe mebwô miagde. Be nsi tswe ntùm fide, tsiañde, mbèn ngù ntswe mebwô miagde ntùm taʼ mbwô Paradis.

“Ke nkô Tàan Nsi o, njoñ ntù o fa, njoñ zwiag so fa, mba njoñ nkwadenu mu fa.”​—Matio 22:37

Nkôni Nsi nke ntèndʼo o ghù à ke?

• Lukas 17:12-17

  Nyàmde njoñ ntshu fa tse Nsi ghù wù là.

• Matio 7:16-20

  Laʼde yu nkôni num Nsi nke ngù ze nekô njoñ léʼ fa.

• 1 Yohané 5:3

  Ze ntshùʼ Nsi.

• 1 Timôtio 6:18

  Kagtùn neghù numebwô tsemoʼo.

“Bin ghô ntùm nkôni Nsi.”​—Yuda 21

Ke zʼa nsi ywimdʼo neghô mbañ Yaweh Nsi à?

• 1 Tésalônikà 5:17

  Nke ndeʼde Nsi ke tsin.

• Matio 28:19, 20; 2 Timôtio 4:2

  Ghù njoñ tshu fa tsʼo kuʼni là nesoñ tsemoʼ benntùn nu mfà num Nufen Nsi.

• Tànkùt 2:1-5

  Nèn mbwe neziʼde nu mfà num Yaweh Nsi.

• Héber 10:24, 25

  Nke nèn ziʼde njoñ ngelañ fa. Fèt tsho Benkristô tse bandum mba tse bènnzwi nsi ywimdʼo nebèn nke ngepte Yaweh Nsi.