“Ghù Nufen so seʼe, ghù yu nekô bumde mba mve kamànyam mba num nsitshaʼa.”​—Matio 6:9-13

Nufen Nsi bʼa ke?

• Apokalipse 11:15

  Nufen Nsi bʼa taʼ nufen zʼa tô mve kamànyam num nsitshaʼ là.

• 1 Timôtio 6:15

  Yésu bʼa Mven Nufen Nsi.

• Apokalipse 14:1, 4

  Benntùn ntu 144 000 nsi tô bo Yésu mve kamànyam num nsitshaʼa.

• Héber 4:15; 5:8

  Yésu boa 144 000 num njuʼ ben, mbèn ndèn ngùtni be ghù là.

“A nsi tshoʼde ben nebol à ntùm netsine.”​—Esaya 11:4

Numke Yésu bèn mbe mbwô mèn ze bo tshoʼ mba mven Nufen à?

• 1 Timôtio 6:16

  Njoñ ghatô njù fa num nkwù, ndaʼndù Yésu ke nsi kwù. Njoñ tshu mebwô tse Yésu nsi ghù ben nà nsi tswe à matmat.

• Esaya 11:2-4

  Yésu kuʼni neghù tshu mebwô tse sàm mven yen njù li keʼ kuʼni neghù là. Bo tamde njoñ mven fa yen njù li, mba ze ngùʼ Yésu aʼ tshùa yube. A bʼa ngabétni mbèn mbe ngatshàmndèn.

“Nsi nsi tshoʼ moʼ nufen . . . ze moʼ ju ke nsi sadʼé là.”​—Daniel 2:44

Ke ze Nufen Nsi yà ghù à? Ke zʼa nsi ghù ndùmànyam à?

• Apokalipse 12:7-12

  Mba bo naʼ nte i Mven mve kamànyam num nguʼ 1914 là, Yésu maʼ Satan num nsitshaʼa. Yen nà bèn ngù kà ngùtni yàm, neya, mba ngeʼ nzenze be num nsitshaʼa.

• Nzenu 8:9; Apokalipse 16:16

  Ngelañ Armagédon, Nufen Nsi nsi biagde njoñ tshùagkèt netô ben nyiañtu fa.

• Yobkwi 37:10

  Bo nsi biagde benntùn tse bo tshwèt nèn mbwe neghù nukebwô là.

• Apokalipse 22:1-3

  Ngelañ ze Nufen Nsi nsi tô num nsitshaʼ là, sàm mèn ke bèn ntam ngokèt ke bèn nkwù; njoñ benntùn fa nsi kuʼni lén Nsi.