1. Nkôni Nsi nke ntswe à matmat
1 NSI KÔ O
“Bin ghô ntùm nkôni Nsi . . . nke mbéb . . . yôg matmat.”—Yuda 21
Ke zʼa tshwèt ndaʼdʼo mbe Nsi kô o à?
-
Yohané 3:16; 1 Yohané 4:8-10; Apokalipse 4:11
Yaweh Nsi naʼ nabte njoñ tshu fa num nsitshaʼ à mbe be jù bin yôg. Mfànnu Adam bo Eva naʼ ke kuʼni nebade nkwade Nsi. A naʼ fà mén i mba ju tshuʼ là mbe njoñ benntùn nyiañtu fa tshùa njam bwe ngù yôg matmat.
-
Yobkwi 65:2; Mfaʼ Ghantum 5:32
Neywimde ben sènni, Yaweh Nsi fà Ñwaʼni Nsi ben, ywèt nelàne, mbèn ngù leʼde. Ngelañ be num ndeʼdʼé là, a num njuʼ ben.
2 NEJUʼ NTSHU NSI BE NDOʼ BIN NSEʼ YI
“A bʼa me Yaweh Nsi o, zʼa tshwèt nziʼdʼo, ndù o tshùa num bwe njù bin nà.”—Esaya 48:17
Zit bin o jù nejuʼ ntshu Yaweh Nsi à?
-
Yaweh Nsi be njen tse ben kagtùn nejuʼ ntshu i. Juʼ ntshu be ndoʼ mbade nseʼ yi sènni mbèn mfà nywinde ben num ndùmànyam.
3 O KUʼNI NELAʼDE YAWEH NSI MBʼO KÔ I
“Nummbe nkôni Nsi bʼa ndù be ze ntshùʼ mi.”—1 Yohané 5:3
Be be juʼ ntshu Nsi ké?
-
Yaweh Nsi lèn mbe be keʼ làn miagde. A keʼ be bètte mbe be ghù ju zʼa tshùa ben nà.
-
Zeben nkôni mfà num Yaweh Nsi be nkwiʼde zeben neta neghamdʼé mba ngelañ ngùtni.
-
Tun ntshùʼ Ñwaʼni Nsi num ntswide ben nkwade Nsi. Tshen tun ntshùʼ là kuʼni nebade nkwade ben mbèn nkwiʼde zeben nkôni mfà num Yaweh Nsi. A num mbèn njwimde ben nelèn ju a bètte be ghù là, mba ngelañ Ñwaʼni Nsi keʼ tshob nu num bwe là.
