“Me nsi tswidʼo, laʼdʼo manze zʼo nsi zin bwe là.”​—Yobkwi 32:8

Be kuʼni nekwade nu mfà à num ke a be ze be tshwèt ndiag nena ndà à?

• 1 Korintô 7:39; 2 Korintô 6:14

  Zenu bʼa nena ndà à ndaʼ bo taʼ mènntùn zʼa fà yôg se num neghamde Yaweh Nsi là.

• 1 Korintô 7:36

  Mebwô bʼa nebéb ngelañ ze nzi ntamde mandum bo mènnzwi num nta taʼ là tôge kà nkwade nena ndà.

• 1 Korintô 7:28

  Ghù mbwô nkwade mfà num nandà, nummbe mba zit nandà lo ghù tse ngùtni.

“A keʼ bwô ndù mandum tswe tùʼ i. Mʼaʼ nabte ngaywimdʼé zʼa fudʼé là mfà yi.”​—Netoʼde 2:18

Ke ze Yaweh Nsi tshwèt mbéb mandum bo mènnzwi ghù à?

• Efésô 5:23; 1 Timôtio 3:1-7; 5:8

  Mandum bèn mbe tu num neywimde ze tunndà nenèn bwe nekuʼ num bag ywèle, a bèn ngù ne nke ndôde nzwi i, mba bon tse num bag mbàb wut mba num bag nkôni. A num mbèn ndoʼ mbwe num netswide bo netsiagde bon tse.

• Tànkùt 31:10-31; Roma 7:2

  Mènnzwi bʼa ngaywimde bèn mbe taʼ mbwô nshun ndu i. A num ntomde tse mfiʼ mbèn nke nabte ndà mebwô. A num mbèn njwimdʼé nekwiagde bon tshobe.

• Efésô 5:33; Filipi 2:4

  Mandum bo mènnzwi ghù ne nke ndôde wut tshobe. Mba we lo nke mfaʼ à num ntswe mebwô mvèl i ke bʼa num ze tu wut.

“Bo tamde ntùʼ taʼ wut ntshù.”​—Netoʼde 2:24

Be bag bin ghù à ndùke kà zebe nandà be mebwô à?

• Tànkùt 3:5, 6; Matio 19:6

  Yaweh Nsi naʼ kô mbe nandà be taʼ ntamde zʼa tswe yoñ ntshùʼ là. A num mfà ntag ntùn num nandà.

• Yobkwi 130:3; Kolosé 3:13

  Ben bo nandà là ghù ne nke ntôg num tshob loʼ. Bo ghù ne nke ndagde wut tshob bo bo, mbèn nke ndiag à ju zʼa bwô là num mvèl i.