“Bo tamde ntùʼ taʼ wut ntshùʼ.”​—Netoʼde 2:24

Mbe be ghù à ndùke nebe ke keʼ nzwi ben ke ndu ben à?

• Matio 5:28; Efésô 4:31

  Be mèn netsin bo nzwi o ke ndu o lo mba ntùm nkwade mu. Nke njuʼ ze neloʼ mbe yi. O ndèn mbʼo kag zwentù yi, o kagtùn nebade.

• Galatia 5:15

  Bàm nà nekeʼ nzwi o ke ndu o lo num bag mbab wut ke num bag nkôni lo. Tshùagkèt ntshobe num mbagde nandà.

• Tànkùt 5:18; Héber 13:4

  Yaweh Nsi nke njen tshunu ghàn à mba taʼ nukebwô ndùb là. A bètte bag bin loʼ mfiʼ netswe nelat ndaʼ num nzwi ben, ke ndu ben no, mbèn njen zeben nandà mba ju tanjoñ là. Kà bag bin naʼ nzi nkwade nebe ke fà nkuʼni Yaweh Nsi ke nekag tuswe tu ndu ben ke nzwi ben no.

“Bo nke ndoʼ à zenu nkut baʼ yi.”​—Tànkùt 24:3

Ke zʼo kuʼni neghù kà yu nandà bwô nèn mbwe mbèn ntswe ntùm tsiañde à?

• Tànkùt 24:4; Matio 6:14, 15; Roma 12:2; 1 Pétro 3:1

  Loʼ ngelañ ne nke nswade ntshob bo ndu o ke nzwi o lo. Loʼ ndu o ke nzwi o lo bo nkôni, nkuʼni, ngù mat nebotte. Ziʼde nelagde ndende.

• Tànkùt 14:1; 31:29; Filipi 1:9; 2:4; 1 Pétro 3:7

  Bètte Yaweh Nsi a ywimdʼo nebe taʼ mbwô mandum ke taʼ mbwô mènnzwi lo. Diag ba manze nebèn ndaʼde bwôntù bo nkôni.

• Roma 12:10; 1 Pétro 4:8

  O kagtùn nelaʼde mbe o kô mbèn nkuʼni ndu o ke nzwi o lo, mba yu nandà aʼ bwô nèn mbwe mbèn mfà tsiañde Yaweh Nsi.