“Ndùlala bin juʼ ntshu Nsi, nta tu Satan, a kù zine.”​—Yakobo 4:7

Be lèn à ndùke mbe be kuʼni neta tu Satan à?

• Apokalipse 7:9, 14

  Yaweh Nsi num njab ndù num tshu tse Satan kuʼni neghù ben nà. Nsi bù mbe bwoñ benntùn nsi yôge, ntsho ntùm njù nswe.

• 2 Kronika 15:2

  Ngelañ be ghô mbañ Yaweh Nsi là, Satan ke kuʼni nebagde ze be ntamde bo yi.

• 1 Korintô 10:13; Héber 11:4-40

  Yaweh Nsi bù mbʼaʼ ywimde ben nelat num i, mbʼa naʼ njwimde tsemoʼ benntùn mbwe là.

“Nummbe bag à bin lèn kuaʼ nkwadenu mi.”​—2 Korintô 2:11

Satan nke mbùn à ke lèn ywiʼ à?

• Yohané 15:19; Apokalipse 12:12, 17

  Satan bèn nke tô njù, ndaʼndù a keʼ kuʼni netô ghafaʼ Nsi, ndùla, a num ntshoʼ nku mub nkebàn.

• Netoʼde 3:1; Galatia 5:19-21; Efésô 6:12

  Satan num nkagtùn nediag tseben loʼ, num neloʼ mbùn ywiʼ yi mbwe ben.

• Lévitiko 19:26; Esaya 1:13, 15; Marko 5:25, 26

  Bàm nà ngelañ o tshwèt ntshoʼ mat neloʼ ntshwin wut yi. Taʼ mènntùn kuʼni nebi nywinde neyade kà mbam ghaghù fu tse bo be mfaʼ à bo ywètkebwô là.

• Nebwôgde 18:10-12; Mfaʼ Ghantum 19:19; Galatia 6:7; Apokalipse 21:8

  A be ze ba ywètkebwô yen mbe bag bin tshwèt ndiag nelèn tshob tshu là, be bo tshuàde njam bwe ngù kebwô ben. Be bam ntamde bo ba ywètkebwô, mba bag bin kañ mvèn Yaweh Nsi.

“Satan . . . bʼa ngatatte, mba tà tatte.”​—Yohané 8:44

Mènntùn kuʼni nesoñ ba tatte Satan à ndùke?

• Roma 1:11, 12; 2 Timôtio 2:16

  Benntùn num nsoñ tshô tsʼa tshwèt ngù benntùn kwade mbe Satan boa ywètkebwô ghù neta ntshùade kuaʼ neta bo ghù là. Là ntshùa ne nke nsoñ tshô tsʼa tshwèt nkag bwôg là, be nke nso kù num be, be be.

• Efésô 6:11

  Ngelañ bag bin lèn ba ywiʼ Satan nà, be kuʼni neta tu yi mbèn ngô mbañ Yaweh Nsi.