17. Ghô ntùm nkôni Nsi
1 NÈN MBWE NETSHÙB YU BAMNTÙ A TA
“Bin kut wut tsin num bamntù zin ze nelàne.”—Yuda 20
Ke zʼa kuʼni neywimde ben nekut zebe bamntù à?
-
Efésô 6:11; Yakobo 1:25; 1 Pétro 5:8
Kwade mba nejuʼ ntshu Yaweh Nsi num ntshètte ben, mbèn njwimde ben neghù yôg ntùn nà.
-
Matio 28:19, 20; 1 Tésalônikà 5:17; Héber 10:24, 25
Neghù mbe zebe bamntù ta, a bètte mbe bag bin ghù leʼde njoñ ngelañ fa, tshob tsemoʼ benntùn mfà num Yaweh Nsi, mbèn ntamde bo ba fètfèt tse bandum mba tse bènnzwi.
-
Yaweh Nsi ke nsi ghuaʼ o. O zin mbʼa tshwèt ntshagdʼo là, mbʼoaʼ ghù fidentù.
2 BAG BIN KÔ NENÈN MBWE NEKUʼ NUM BAG YWÈLE
“Be . . . nèn mbwe ntùm netswide zʼa bwô miagde là.”—Héber 6:1
Nebe Mènkristô zʼa kuʼ num bag ywèt là nke mbagdʼà mbe ke?
-
Nekuʼ num bag ywèt num ndoʼ ngelañ, mba kagtùn. Mènkristô a kuʼ num bag ywèt là num nkagtùn neyen tshu à mba Yaweh Nsi num njen nà, mbèn ndoʼ ba mbwô mfiʼ.
-
Ba ngùtni bʼa ba manze neso neta num yu bamntù mbèn ndaʼde yu nkôni mfà num Yaweh Nsi.
-
Ngelañ o ghù ba mfiʼ neloʼ là, siañde num ju ze Yaweh Nsi kô o ghù là, mbèn mbèttʼé a ywimdʼo.
-
Ka zi ntsin neziʼde mfà num Yaweh Nsi mbèn ngù yu kushun bo yi taa.
3 NÈN MBWE NETE MIAG MU NUM YU NYWINDE
“Nte tsheʼ nenywinde yôg.”—1 Tésalônikà 5:8
Nywinde kuʼni netshètte ben à ndùke?
-
Yu nywinde mfà num ndùmànyam taa neshu. Kwade mfà num nywinde Yésu ghù, a ywimdʼé nefènde tse ngùtni là.
-
A be zʼo kwade mbe yu nywinde tshwèt mfi là, ghù leʼde mfà num bwe. Nkwade kebwô bo ba magde aʼ ghù o bot. Ndaʼndù, Yaweh Nsi aʼ fà tànntù wù bo fide ntù.
-
Nke nsiañde nu num yu nywinde ndùmànyam njoñ ngelañ fa. Njù nswe nsi bwô ntshùa mba zit ju lo o kuʼni nekwade là.
-
Yaweh Nsi kô o lèn i mba yu mbwô nshun nà. Ghù mba ke lo o kuʼni là nejuʼni yi mbèn ngebte mbañ i njoñ léʼ fa.
