‘Ntù mènntùn num mfù i ntshùa mba ke lo mbèn mbag neshu.’​—Yérémia 17:9, MN.

Ke ze Yaweh Nsi fà neywimde ben netswide nzentù ben à?

• Roma 9:1; 1 Korintô 4:4

  Nzentù ben zʼa keʼ làn miagde là kuʼni netènde ben maʼ ntùm nukebwô. A bwô netswidʼé ntshùade njam ywèt nelàne, ke bʼa ndaʼ bo miben nkwade.

• Héber 5:14; 1 Pétro 3:16

  Ntùm Ñwaʼni Nsi, be num nziʼde nkwade Yaweh Nsi, yennà ywimde ben nelèn numebwô mba nukebwô, mbèn njwimde ben netswide nzentù ben.

“Kà sàm mèn diag ju zʼa bwô [à ndaʼ] yi là, là, a diag ju zʼa bwô moʼ mèn nà.”​—1 Korintô 10:23, 24

Be bag bin laʼde mbe be num nkuʼni nzentù tsemoʼ à ndùke?

• Roma 15:1, 3

  Zebe nzentù keʼ be zin à ku ntshùʼ bo ze tsemoʼo. Yu nzentù kuʼni nebam mbʼo ghù taʼ ju ze be moʼ mèn ke ghù là.

• 1 Korintô 10:31-33

  Ngantum Paulo naʼ nke ntomde fèt tse tse bandum mba tse bènnzwi ntshùa tu wul i. Tshu tse bo naʼ nke nkô là, naʼ mbʼa ju ndùb yi ntshùa tshu tsʼa kô là.

• Roma 14:10, 19

  Yaweh Nsi fà taʼ nzentù ben num netshoʼde wut ben, ke bʼa netshoʼde ben ghua. Bag bin bàm nà nenaʼ nkwade mbe be keʼ fàn, tsemoʼ bèn mfàne.

“Mba ndù, be nsi fide ntù be mbwe i . . . [Nummbe Nsi tshùa ntù be,] a lèn njoñ i fa.”​—1 Yohané 3:19, 20

Numke a ke bwô nebot mbu ngelañ ntù o tshwèt ntshoʼdʼo num taʼ nukebwô zʼo naʼ ngù à?

• Yobkwi 86:5; 1 Korintô 6:11

  Ntù ben kuʼni ne nke ntshoʼde ben num nukebwô ze be naʼ ngù là mbèn ngù bag bin kwade mbe be keʼ bèn nkuʼni moʼ ju, mba tà ndù be naʼ yà bètte lagde Yaweh Nsi, mbèn nkañ ntù ben. Ndaʼndù, be keʼ kuʼni nebèn njam ntsiagde ju zʼa yà tôg là. Yaweh Nsi naʼ yà lagde ben, mbwede tshen nukebwô là. Be  tùʼ ben nelàn mbwe i.

Taʼ nzentù bo tswidʼé mebwô là kuʼni neywimde ben à ndùke?

• Galatia 6:2; 1 Pétro 2:16

  “Ntshùʼ Kristô” nke njéʼdʼà num tun ntshùʼ, ke bʼa num ba ntshùʼ. A be be ndù Ñwaʼni Nsi keʼ fà ntshùʼ num taʼ ju là, mènkristô keʼ ghù neloʼ latnta num bwe ngù ju zʼa keʼ bwô là.