“Bo keʼ bʼa ba ntùm njù, mba mba tu wul àm me keʼ bʼa ze ntùm njù là.”​—Yohané 17:16

Numke a mbwô bag bin tswe ke loʼ bag ntùm njù Satan à?

• 1 Yohané 5:19

  “Njù” nke ndaʼdʼà benntùn bo ke tshwèt ngamde Nsi là, mbèn nke mfañ mbe mven njù Satan tshagde yube.

• Yakobo 4:4

  Bag kô mbe Yaweh Nsi loʼ yag mba shun tse là. Bag tshwèt nkagtùn nefiʼde Yaweh Nsi bo Yésu ntùm yag mat nekwade, netshobte, mba neghù tshu.

“A bwô ndù o béb ntù o ntshùa njoñ tshu fa, nummbe njoñ tsho tumnsi ntse yôg fa bʼa bwe.”​—Tànkùt 4:23

Be bag bin ghuaʼ mat neghù njù Satan à ndùke?

• Efésô 2:2; 1 Yohané 2:16

  Satan bʼa ngagheʼ, ngakoʼde wut, mba ngatatu. A kô mbe benntùn kwade mbe bo keʼ ghù nejuʼ ntshu Nsi.

• 1 Korintô 10:31

  Bag bin num ndaʼde mbe be keʼ loʼ bag ntùm njù ntshùade njam tshu tse be num ntshob mba tse be num ngù là, mba num tshu tsʼa lôdʼà ndaʼ ben nà.

• 1 Korintô 2:12; 1 Yohané 4:4

  Num neghuaʼ mat nekwade bo neghù zʼa fe njù Satan nà, a bwô bag bin ghô mbañ Yaweh Nsi mbèn ngù nkwade mi dun ntù ben.

“Yôg mènntùn keʼ yéʼdʼà num tshu tse, a be zʼa ghù a yàm mba neyàm nà.”​—Lukas 12:15

Ke zʼa ywimde ben neghù nkwade Yaweh Nsi num mfuʼ mbàb wul à?

• Mfaʼ Ghantum 20:35; 1 Timôtio 6:9, 10

  Satan kô bag bin kwade mbe ngùa bo fuʼ mbàb wut nsi fà tsiañde ben. Ndaʼndù Yésu tswide ben mbe tsiañde fe à neghù taʼ mbwô ntamde bo Nsi mba nenyit bu.

• Matio 6:31, 32; Marko 12:30, 31; Lukas 21:34-36

  Bag bin num njab ntù ben fa num ghamde be tshwèt mfà Yaweh Nsi là, yôg ben ghù tañ i. Ndùlala, be juʼ tsiañde num ju be ghù là, mba fide a fe ntù là.