6. Be bag bin tshoʼ tse ben tshu sa à ndùke?
1 MAT NETSHOʼ TSEBEN TSHU SA NUM NDAʼDE YAWEH NSI NJOÑ NKÔNI BAG BIN GHÙ MFÀ NUM I LÀ
“Bin ghù njoñ i fa num ghamde Nsi.”—1 Korintô 10:31
Numke a mbwô be nke nzede ngelañ bag bin tshwèt ntshoʼ tseben tshu sa à?
-
Yobkwi 11:5, 7; 34:14; Roma 12:9; 1 Korintô 6:9, 10
Mbeʼ yàm tshu sa sènni—kʼa be ntùm laʼde netshañ, num koñnkùn, ntùm ngùayen, ntùm sa num ngùayen, ntùm kwi mba tsemoʼ tshu—dun bo tshunu ghàne, mvamva, ke ka lo.
-
Tseben tshu sa kuʼni nefà tsiañde ben a be zʼa bwô là, ndaʼndù a bag, mba be a ghù a ta netswe mèn netsin bo Yaweh Nsi.
-
Tseben tshu sa kuʼni neghù taʼ ju num ben.
2 TUN NTSHÙʼ ÑWAʼNI NSI KUʼNI NEYWIMDE BEN NETSHOʼ TSEBEN TSHU SA
“Bin lèn ju zʼa be ze [Yaweh Nsi là].”—Efésô 5:17
Tsit tun ntshùʼ Ñwaʼni Nsi bèn nkuʼni neywimde ben neloʼ ba mbwô mfiʼ num ju zʼa tshwèt ndôde tshu sa à?
-
Yobkwi 16:8; Tànkùt 6:16-19; Galatia 5:19-21
Bag bin ghù nebàn tshu tse Yaweh Nsi num mbàn nà, mba mvamva, ka, mba tshunu ghàn nà.
-
Bag bin num ntsiañde ntù Yaweh Nsi ngelañ be kém tseben nkwade à bo mbwô tshu mbèn nke nsiañde nu mfà num bwe là.
-
Bag bin ghù nezede num njoñ ngelañ be num ntôg ntùm tshu sa là. A bwô mbe zebe ghamde mfà num Yaweh Nsi loʼ à mbwe dùʼ ntùm yôg ben.
3 TSEBEN MFIʼ KUʼNI NEGHÙ TAʼ JU NUM TSEMOʼO
“Kà sàm mèn diag ju zʼa bwô be yi là, là, a diag ju zʼa bwô moʼ mèn nà.”—1 Korintô 10:24
Numke a mbwô nesiañde nu mfà num nkwade tsemoʼ benntùn ngelañ bag bin tshwèt ntshoʼ tseben tshu sa à?
-
Benkristô keʼ be tshoʼ tshunu sa à ju ntshùʼ. Tùʼ ndaʼ netshoʼde mfiʼ tsemoʼo, a bwô bag bin kagtùn neloʼ à ba mbwô mfiʼ zeben tu.
-
Nzentù ben kuʼni netènde ben neloʼ tsemoʼ mfiʼ. Ndaʼndù, bag bin keʼ ghù à nzentù ntshùʼ.
-
Bag bin keʼ kô mbe fèt ben tse bandum mba tse bènnzwi juʼ kebwô, ndùlala bag bin aʼ nke ntshoʼ tseben tshu sa à bo zenu.
