8. Yaweh Nsi kô mbe ghafaʼ tse be nelàne
1 YAWEH NSI LÀN NTÙM NJOÑ TSHU FA TSʼA BE NGÙ LÀ
“Bin be nelàn . . . Tshù, tu wul àm bʼa nelàne.”—Lévitiko 11:45
Nebe nelàn nke mbagdʼà mbe ke?
-
Nebe nelàn nke ndôdʼà njoñ bag yôg ben fa. Yennà nke mbagdʼà neléʼ wut ben, nzwe, mba baʼ ntùm nelàne. A bèn bʼa neléʼ zebe ghamde, mat, mba nkwade nelàne.
-
Netume 30:17-21; Yérémia 10:12
Nelàn bʼa ju ndùb Yaweh Nsi.
-
Yobkwi 19:8, 9; Matio 15:18, 19; Filipi 4:8
Ngùninu ben num ndaʼde tshu tse be num nkwade mfà num bwe là, ndùlala, a bètte bag bin kagtùn neghù nkwade tsʼa làn nà.
2 ZEBE GHAMDE GHÙ NEBE NELÀNE
“Bin lànde wut tsine, bin tse bin num nket ntuʼ [Yaweh Nsi] là.”—Esaya 52:11
Be bag bin tshùb zebe ghamde nelàn à ndùke?
-
Bag bin num nga tshunu ndon, ntelaʼ, mba ntswide tsʼa ghù ntamde bo tshôssi kebwô là.
-
Yaweh Nsi num ntshètte ghafaʼ tse njoñ ngelañ fa bo ba ntshùʼ, ngù tun ntshùʼ tse.
3 MAT KEBWÔ BE MBAGDE ZEBE NTAMDE BO YAWEH NSI
“Bag à bin lànde njoñ ñuʼ mbàb wut fa mba njoñ ñuʼ ntù fa num be.”—2 Korintô 7:1
Tsit mat Yaweh Nsi kô mbe be ghuaʼ à?
-
Matio 22:39; Mfaʼ Ghantum 17:25; Titô 3:1
Ghuaʼ tshu tse bʼa bagde wul o, ke ne nsébte yôg so lo, mba nenu ndebaʼ, ndebaʼ kàn, ke nebum nduʼ lo. Bag bin num nguaʼ tshen mat là nummbe be num nkuʼni yôg ben, mba ze tsemoʼo, mbèn nkuʼni mba ba ntshùʼ ngô bag bin be bwe là.
-
A be ndù bag bin tshwèt nkagtùn neghuaʼ mat kebwô, kà be bot. Be kuʼni nemaʼ ntshùa bo ywimde Yaweh Nsi.
4 BE KUʼNI NEGHUAʼ MAT KEBWÔ
“Là me num ngùtni wul àm, nke ntô i mba nkuan nà.”—1 Korintô 9:27
Ke zʼa kuʼni neywimde ben neghuaʼ mat kebwô à?
-
Ghù leʼde ndù ywèt nelàn ywimdʼo neghuaʼ ba nzi kebwô.
-
Kù benntùn, laʼde netshañ, ke kwi lo tsʼa num ngù a ta wù neghuaʼ mat kebwô là.
-
Nabte wul o nebagde ju zʼa ghù o gha neghù tsemoʼ tshu, mba nenu ndebaʼ là.
