BAG I 37

Ju ze Ñwaʼni Nsi tshwèt ntshob mfà num faʼ bo nkàb là

O yà toʼ nywin num faʼ bo nkàb ké? Be a ta be nedunde tsebe nzi, mbèn mfà ghamde zʼa bètte là Yaweh Nsi. Ñwaʼni Nsi tshwèt mfà ntag tse be a ywimde ben nà.

1. Ke ze Ñwaʼni Nsi tshwèt ntshob mfà num faʼ à?

Yaweh Nsi kô mbe be jù bin num seben faʼ. Ñwaʼni Nsi tshwèt ntshob mbe “ju mebwô num mènntùn nyiañtu bʼa mbe a . . . zwiʼde fuʼ faʼ se.” (Eklésia 2:24) Yaweh Nsi num mfaʼ neshu. Ngelañ bag bin num mfiʼdʼé mbèn mfaʼ mebwô là, bag bin tsiañde ntù i, mbèn njuʼ mebwô.

Neghù taʼ faʼ bwô. Ndaʼndù a keʼ bètte be fañ mbʼa loʼ mbwe num ghamde Yaweh Nsi. (Yohané 6:27) Ngelañ be yab ghamde Yaweh Nsi mbwe dùʼ ntùm yôg ben nà, a fà tshu tsʼa bwoñ ben nà ben.

2. Mbwô mat neyen nkàb yi bʼa zile?

A nenùn mbe Ñwaʼni Nsi num ntshob mbe “nkàb num mbéb mèn,” ndaʼndù a num mbèn ntshob mbe nkàb tùʼ i keʼ kuʼni neghù be juʼ tsiañde. (Eklésia 7:12) Ndùlà, Ñwaʼni Nsi tshwèt nso kù num ben mbe kà bag bin ghù nkôni nkàb, là, bag bin nke “ntsiañde num ju ze [be] ghù là.” (Siañ Héber 13:5.) Be nke ntsiañde num tshu tse be ghù là, mbʼaʼ tshètte ben negheʼde tshu tse be keʼ ghù là, mbèn tshètte be num njo. (Tànkùt 22:7) A num mbèn ntshètte ben negwù ntùm ywiʼ sa nkàb, mba netsho kum benntùn bo num ndiag neghù nkàb yàm ndende là.

3. Bag bin kuʼni neloʼ zebe nkàb mfaʼ yi mebwô à ndùke?

Yaweh Nsi bʼa taʼ Nsi zʼa num nyit bu là; bag bin num mfiʼdʼé à ngelañ be “[lèn] neghabte tshu boa tsemoʼ ntùm ntù mebwô” là. (1 Timôtio 6:18) Bag bin kuʼni neloʼ nkàb ben ntomde ndà ntseʼde yi mbèn njwimde ben bo bwoñ nà yi, ntoʼde boa fèt ben num bag ywèle. Yaweh Nsi keʼ be lôdʼà njoñ ju ze be fà là, là, ju zʼa tènde be nefà là. Ngelañ be fà bo ntù mebwô là, be juʼ tsiañde mba ntù Yaweh Nsi tsiañde.—Siañ Mfaʼ Ghantum 20:35.

TSWEʼ NTUN MI

Yen bin a be njam neyab faʼ num ze dùʼ mba netsiañde num ju ze be ghù là.

4. Nke nkuʼni Yaweh Nsi bo yu mat nefaʼa

Zebe kushun bo Yaweh Nsi ghù nebade zebe mat neyen faʼ yi. Lôde LAʼDE NETSHAÑ, mbèn mbùnde tshen mbètte li.

LAʼDE NETSHAÑ: Nke mfaʼ Yaweh Nsi njoñ ntù o fa (4:39)

Ntùm laʼde netshañ, ke zʼa bwô o num mat Jason neyen faʼ se yi mba ze mat nefaʼ yi à?
Ke zʼa ghù nedù mbe kà faʼ se loʼ mbwe dùʼ ntùm yôg se à?

Siañ Kolosé 3:23, 24, mbèn mbùnde yen bètte li:

Numke zebe mat neyen faʼ yi bʼa ju ndùb à?

Neghù taʼ faʼ bwô. Ndaʼndù a keʼ bètte be fañ a loʼ mbwe dùʼ num ghamde Yaweh Nsi.

5. Netsiañde num ju be ghù là num njwimde be

Mbeʼyàm benntùn num mfaʼ neta neghù nkàb yàme. Ndaʼndù a ke ju ze Ñwaʼni Nsi tshwèt mbètte be ghù là. Siañ 1 Timôtio 6:6-8, mbèn mbùnde yen bètte li:

Ñwaʼni Nsi tshwèt nso kù num ben be ghù à ke?

Be bag bin juʼ tsiañde mba mba bo metsit nkàb ze be ghù là. Lôde LAʼDE NETSHAÑ, mbèn mbùnde yen bètte li.

LAʼDE NETSHAÑ: “Contentons-nous des choses présentes” (3:20)

Mba tà ndù bo keʼ ghù nkàb yàme, ke zʼa ghù tshen tunndà là juʼ tsiañdʼà?

Ndonni, be yà ghù nkàb mbèn nke ndiag yàme, mba ke zʼa tum à? Yésu naʼ fà taʼ mfiʼ nelaʼde mbe yennà bʼa taʼ ywiʼ. Siañ Lukas 12:15-21, mbèn mbùnde yen bètte li:

Ke zʼo ziʼde num mfiʼ Yésu fà lʼà?—Lôde nka 15.

Siañ mbèn ntàmde Tànkùt 10:22 bo 1 Timôtio 6:10, mbùnde tshen mbètte li:

Num yu tu, ke zʼa be ju ndùb à: nekut taʼ kushun bo Yaweh Nsi ke neghù nkàb yàm à? Numke?
Ngùtni tsʼa be njam ne nke ntaʼ nkàb là bʼa tsile?

6. Yaweh Nsi aʼ fà tshu tsʼa bwoñ ben nà ben

Ngelañ be keʼ ghù faʼ mbèn mbwoñ nkàb là, be a yab zebe bamntù mfà num Yaweh Nsi ntùm lañde. Lôde LAʼDE NETSHAÑ neyen mba be kuʼni neghù a be ze tshen lañde là te mbwe ben nà, mbèn mbùnde tshen mbètte li.