1. Nseʼ num mat neghemte, benntùn bʼà mbwe ntàʼ ndze siʼi num ne tshoʼ yub bwe à?

YESU lo tshob ndù: “Mèn ze beg yi ke bèn mbe là, bʼà ngakebàn àm”. (Matio 12:30) Be nyà ke be beà Yehôva, mbà be bʼà beà Satan. Mbeʼyàm benntùn num nkwate ndù bo ke mfàʼ Nsi à mbʼa be a bem nà, Bibèl tshob ndù “Satan tshwèt ndàʼte mànndze kebwô ndjoṅ nsitshà faʼ”. (Apokalipse 12:9) Benntùn ntshuʼ ntshùʼ tshwèt nkwate ndù bo ke nghemtʼà Nsi, là num khùàʼ nenùne, bo ke mfàʼ à Satan nga shuʼndàm. Benntùn tsin sènni à mbwe ntàʼ ndze bàà ne tshoʼo: Ke ne tshoʼ ne fàʼ à Yehôva, “Nsi nenùne,” ke ne tshoʼ ne fàʼ à Satan “tà tatte” lo.”​—Yobkwi 31:5; Johané 8:44.

2. Satan ke ntshùà à num zit mànndze ntshètte benntùn ndù kà bo ghemte Yéhôva à?

² O yab ntùm ntù o mbʼo àʼ fàʼ Yehôva, mbʼo tshoʼ ndze nghùme, mànndze zʼàʼ ghù Nsi bem o là. Là, Satan be mbàn mba we lo zʼa be ngafàʼ Nsi là. A num ndoʼ ngeʼ bo à ntôtni ntèt ghafàʼ Nsi yi. Tàʼ mànndze zʼà num ntshùà num bwe là bʼa ne tènte shun tsho, ke fèttsho lo, bo seʼ nke ntshabtʼo, nke ntshèttʼo ndù kʼo fàʼ ju zʼo tshwèt ndieg nefàʼ là. Yesu lo tshob mbe benntùn bàm nà, mbèn mbem ndù: “khuàʼ nenùn, ghakakebam mèn nsi tum à ntùm koʼ ze ndà”.​—Matio 10:36.

3. A be ze fèt tsho ke shun tsho lo tshwèt ntshèttʼo ndù kʼo ghemte Nsi là, mbʼo nsi ghù à ndùke?

³ Yèn lèn nu là tum à ghwù, mbʼo nsi ghù àʼ ndùke? Mbeʼyàm benntùn lèn khuàʼ ndù yub mat neghemte keʼ tsin, ndàʼ ndù; nke ndèt ghwut ne swèt ghwut yub ntum ntùm bwe. Bo ke nkwatʼà mbe bo ghù ndùlàlà mbʼà tunndà yub àʼ ke ndôte yub bo mieg kebwô. Men nkwate là tsin ke? Bo seʼ nsoṅ o mbe fèt tsho num nu ndebàʼ mbabune, mbe ju zʼa khuʼni ne zwi yub  là, ndù mbʼo àʼ feṅ ke tshob bo ndù à be à keg loʼ num bo ke? A bʼo tem ndjem bo ndù bin à bo ke nu ké?

4. Ke ze Yoshua nàʼ ntshob bà Israél mfà num ghemte num ze ngeleṅ à?

⁴ Yoshua lo so ṅag tun bà Israél ndù bo ghwaʼ matneghemte kebwô mba mat làʼ kebwô bà mbwetà tshobe. A lo tshob bo ndù: “Ndônni, a bwô ndù bin ke mbwôg Yehôva, nke mfàʼʼ yi ke tshù ndjem, ntùm nenùne, nsô bà nsi tse mbwetà tsin nàʼ nke mfàʼ bo moʼ yoṅ taʼntse Egypto là, nghwàʼà, mbèn nke mfàʼ Yehôva.” (Yoshua 24:14) Joshua lo ke mbétni Nsi. Ndùlàlà Yehôva lo neṅ mbotni num i. Beg à bin ke mbétni Yehôva, mbʼa nsi neṅ mbotni mbà num be.​—2 Samuél 22:26.

5. Numke zʼa bwô ndù be ghwà ndjoṅ tshu nsà fa à?

⁵ Ne fagte bo matneghemte kebwô bʼa ne begte mba ndjoṅ bon tshu nsà fa mbà bà mfu keṅntù, bà nkhin, ba nkhwa, bà mbwô, bà ntshèn, bà nkhub tù, bà ndô ka . . . mba tsemoʼ bon tshu mbà tshen nà là. Neghù ndù lili bà ju ndùb, nummbe a bʼa ne loʼ ntswite ndù be yàb ntù be num Yehôva.

6. Ke ze Mbwe benkristô nàʼ nghù bo mbuʼ ṅwàʼni nsà à?

⁶ Be loʼ mfiʼ num ju ze mbwe benkristô nàʼ nghù ngeleṅ ze bo nàʼ mbem ne zin ntùm ghemte nenùn nà. Bibèl tshwèt ntshob mfà num bwe ndù: “Benntùn yàm netèt tse bo nàʼ nke nghù ka là lo khùmte bà mbuʼ ṅwàʼni nka fa nseʼ yi, nton mbwôg mbwe ndjoṅ benntùn fa.”​—Mfàʼ ghamtum 19:19.

7. Ke ze be khuʼni neghù ngeleṅ ze bà bebun tshwèt nghùtni be à?

⁷ A be bà gha nsà loʼ bwéʼte mayàm ntèt tsemoʼ benntùn tse bo be toʼte ne ke mfàʼ Yehôva ndù bo ndjôg ne sô mbu mub ntùm tshunu tôge, tse nka ke tse nsà lo là. Lèn i ntum ghwù, o buʼ ngoṅ tsieṅ lèn Yehôva neta. A nsi ywimtʼo.​—Tankùt 18:10; Yakobo 4:7.

8. BenKristô ke ndôte bà neto, mfuni tshu, mba netsheṅ tsʼa be ntùm mat neghemte kebwô là à ndùke?

⁸ A ké bwô ndù ben tse bo tshwèt nkhù ntù nefàʼ Yehôva là léʼe, ke ne bèn nke mfàʼ bo neto, netsheṅ, ke mfuni tshu tsʼa be ntùm mat ne ghemte ze kebwô là lo. “Benkristô tse nenùn ke ndzin à num bemntù, ke bʼà neyen mieg.” (2 Korintô 5:7) Bo num ndze nkàn Nsi mi a num ntshùʼ yub mbe kà bo loʼ sàm netseṅ mfàʼ ju yi ntùm ghemte là.​—Netume 20:4, 5.

9. Mit nteg ze Bibèl num mfà be ne be bànghùm à?

⁹ Bibèl tshwèt ntshob ndù: “Mèn zʼa ke ndzin bo bà nghùm nà nsi tùʼ nganghùme.” (Tankùt 13:20) A be ze beg à bin tshwèt ndieg ne be ghanghùm nà, mbʼà tshwèt mbètte ndù be ke njôgshun ke ne temte be à bà bàʼnkhwà Yehôva lo. Bo bʼa benntùn tse bo tshwèt nke ndzin num mànndze zʼa tshwèt ntshagte ne nèn nkwé yôg là.​—Matio 7:14.

10. Ghakwénta Yehôva khuʼni ne ywimtʼo ne fàʼ Nsi à ndùke?

¹⁰ Ndèn benntùn num nko ghabàʼnkhwà khuàʼ nenùne. Fàʼ sob bʼà ne ke ndjwimte ben tse bo ghù ntù nelàn nà, ndù bo lèn nunenùn tsʼa be ntùm Bibèl nke ntshagte benntùn num mànndze yôg matmat là. Bo khuʼni neywimtʼo ngù o ziʼte Bibèl bin à bo bànbàn. Bo nsi ke bùnte bà mbètte mo, bèn tswitʼo mbʼa bʼo nke mbe zin ntùm yôg so, ndjéʼ tʼà num ju zʼo ziʼte ntùm Bibèl là.​—Johané 17:3.

11. A be ntséʼte benkristô ywimtʼo à ndùke?

¹¹ Ntùm ntséʼte tshob tse bo ke ndjà tsho à ndà nufen nà, o nsi lèn nu màyàm mfà num bà mànndze Yehôva. Bo nsi so ṅag num o, ntomte yu ne khù ntù zʼo ghù ne dieg ne ke ndzin ntùm ghemte nenùn nà. Bo nsi bèn tshagtʼo ndù o lèn ne ywimte tsemoʼ benntùn nghù bo ziʼte ndèn nenùn tsʼa be ntùm Bibèl là.​—Héber 10:24, 25.

12. Leʼte khuʼni ne ywimtʼo ne fàʼ Nsi à ndùke?

¹² Ntshùate num mbʼo tshwèt ndziʼte nu màyàm mfà num ze nekô mba num nkàʼni mi Yehôva yab là, nsi ghù ndù o fà mebem yi num tse mànndze nkôni. O nsi ke nèn mbwe ntùm ne dieg ne ke mfàʼ à ju zʼa num mfà tsieṅte yi là; mbèn nke mbénte ne fàʼ ju zʼa khuʼni ne  ghù ntù i ya là. Kwimte ndù o khuʼni ne khùʼte nseʼ mbeṅ Yehôva ntùm leʼte ne bèttʼé mbe à ywimtʼo ne ke mfàʼ à ju zʼa tsin nà, nke nkhù ne fàʼ ju zʼa keʼ tsin nà.​—1 Korintô 6:9, 10; Filipia 4:6.

13. O khuʼni ne ghù ntù Yehôva ntsieṅtʼà ndù ke?

¹³ Ngeleṅ à be tôg mbʼo tshwèt nkhuʼ ntùm ywet là, o yen, mbʼa lo mbwô ndù o fà yôg so Nsi, nghù bo nyuʼ o ntse mbà tàʼ ngakhwénta Yehôva là. Yu ne tsho netèt ben Yehôva nsi loʼ tsieṅte seʼ yi ntù Yehôva. (Tankùt 27:11) O nsi be yu netèt ghafen tse Nsi tshob mfà num bo ndù: “me nsi tswe netèt bo mbèn nke ndzin netèt bo, me nsi bʼà Nsi yub, bo nsi bʼa ndzwil àm”.​—2 Korintô 6:16.