Kà nke ntshob à bo nze ntshùʼ. Kwiʼde nze o nesañlañ num tshu ndùb, mbèn nso neta num ben tse bo tshwèt njuʼ o là. Ghù be ju ntshùʼ ngelañ o tshwèt nsiañ ba ntshoʼde ntsha Ñwaʼni Nsi là. Kôgde nze o netshùb nkwade benntùn, ke ngelañ o tshwèt ntshob ju zʼa kag bwôg ke nywin no là.

Nke mbade là so. A be zʼa fà bu ntùm ntshob mu là, o fà là so tù num nelaʼde yu fiag wut, nelaʼde mba ju ghoʼ yi là, ke nelaʼde mba dùʼ sag yi là lo. Bèn là so nsi num nelaʼde sobni ke nywin no.

Bade yu mat netshobe. Nke ntshob ndende ngelañ o tshwèt ntshob taʼ ju netshàm ke taʼ tumlam ju lo. Tshob me ndaʼndaʼ ngelañ o tshwèt mbagde tshu ndùb là.