Nabte wul o kuaʼ mebwô. Ziʼde yu tu ntshob kà njuʼ kuaʼ mebwô mba be ntswide Ñwaʼni Nsi ywimdʼo nekut tun i mebwô là. Kagtùn nefà ba bag ntswide ndùb bo miag ntshob tsʼa fiag là. Yab nkwade mu à num bin ben bo tshwèt njuʼ o là aʼ sô num ntshob mu là. Ghù leʼde nebètte ywèt nelàne.

Loʼ miag ntshob tsʼa sô magde tu ben tse bo tshwèt njuʼ o là. Tùʼ ndaʼ neke nsiañ à ju bo yà kide là, tshob à bo mu miag ntshobe. Laʼde ntùm yu mat netshobe mbʼo ke tshwèt magde num ju zʼo tshwèt ntswide là.

Tshob nu a fe à ntù o, mbèn ntshob à mbʼa kwag ntù ben tse bo juʼ là. Be tshobe ntshag là so tù à njoñ. Be zʼa keʼ bag ntùm yu tañlaʼ là, be tshobe nke ndôde ben tse bo nke njuʼ o là.