ZIʼDE 18
Ntswide be bo jù bin i là
1 Korintô 9:19-23
BAG TSE TSE NDÙB: Soñde nkwade bo zenu ben tse bo tshwèt njuʼ o là mfà num mu ntswide, bo be miagde njen mbe bo ziʼde ju bʼa ywimde yub là.
TSHU TSʼA BÈTTE NEGHÙ LÀ:
-
Yéʼde num tshu tse ben tse bo tshwèt njuʼ o là yà lèn nà. Tùʼ ndaʼ nebèn nke mbwôgdʼà tshu tse bo yà juʼ mbèn ndèn nà, ywimde yub nelôde yu tu ntshob à bo lag nswe.
-
Diag ntun mbèn nsiañde nu mfà num bwe. Ngelañ zʼa fà bu là, loʼ mfiʼ tse bo keʼ lèn mebwô là, ke tshô njù lo, mbagde ba bag ndùb yi. Siañde nu kuaʼ mebwô mfà num yu tu ntshobe, mbèn ndiag ntamde a be netèt yu tu ntshob bo ba mfiʼ tsʼoaʼ tùnde là.
-
Laʼde bin ntswide o fà là. Bagde mba Ñwaʼni Nsi kuʼni neywimde ben tse bo tshwèt njuʼ o là ntùm yôg sub njoñ léʼ fa là. Tshob nu mfà num ngùtni be a tèt yub là, nkwade bo kuʼni neghù là, mba ba mat tsʼa tshwèt mbètte bo siañde nu mfà num bwe là.
