Ghù leʼde mbèn nabte tu ntshob mebwô. Leʼde Yaweh Nsi a ywimdʼo neyab tu o à num nkùn o fà là, ke bʼa num tu wul o. Yab tshu ndùb ts’o kô netswide là ntùm nkwade mu. Bagde bo koʼ ntshob mu; kà siañ à ndaʼ nesiañe tshu bo kide là.

Tshob à bo ntù o. Kwade ju zʼa ghù a mbètte benntùn juʼ men ntshob li là. Yab mu nkwade num bo. Ndùlala yu mat netsine, nenyiʼde wul o, mba se o aʼ laʼde benntùn mbʼo kô yube.

Nke ndôde benntùn bo tshwèt njuʼ o là. Nke ndôde benntùn à bo zenu ke bʼa mbʼa ghùtni yub là. Nke ndoʼ ngelañ, lôde taʼ mèn, ke bʼa nelôde njoñ benntùn fa yoñ ntshùʼ ke neze yub tù tù lo.