ZIʼDE 4
Nesoñde zenu kà nsiañ taʼ nka Ñwaʼni Nsi
Matio 22:41-45
BAG TSE TSE NDÙB: Soñde zenu ben tse bo tshwèt njuʼ o là kà nsiañ taʼ nka Ñwaʼni Nsi.
TSHU TSʼA BÈTTE NEGHÙ LÀ:
-
Kwade mfà num ju zʼa tshwèt ntèndʼo nesiañ bag Ñwaʼni Nsi là. O be siañ mba zit bag Ñwaʼni Nsi lo, soñde zenu ben tse bo tshwèt njuʼ o là num ju ndùb o kô nesañlañ bwe là.
-
Fà nkuʼni Ñwaʼni Nsi. Ngelañ o tshwèt ntshobte bo ghabam Nsi là, ghù bo yen Ñwaʼni Nsi mba ntshob Nsi là, mbèn ndoʼ i à mba ntumnsi ntse zenu là.
-
Bùʼde nzi nelèn Ñwaʼni Nsi. Fà taʼ bètte ze nka Ñwaʼni Nsi bùnde là, laʼde taʼ ngùtni ze Ñwaʼni Nsi num njwimde nemaʼ ntshùa là, ke taʼ tun ntshùʼ ze be bo sô ntùm taʼ tshô Ñwaʼni Nsi là.
