ZIʼDE 6
Bagde ba bag Ñwaʼni Nsi kuaʼ mebwô
Yohané 10:33-36
BAG TSE TSE NDÙB: Kà nke nsiañ Ñwaʼni Nsi à ndaʼ nesiañe, ntôg num ju ghua. Ghù ndù ben tse bo tshwèt njuʼ o là yen ntamde a be netèt nka Ñwaʼni Nsi o siañ nà bo ju zʼo tshwèt ntswide là kuaʼ mebwô.
TSHU TSʼA BÈTTE NEGHÙ LÀ:
-
Sañlañ num miag ntshob ndùb. Ngelañ o miagde nesiañ taʼ nka Ñwaʼni Nsi là, sañlañ num miag ntshob tsʼa tshwèt ntomde ju zʼo tswide là. Neghù yennà, o kuʼni nebèn nsiañ tshen miag ntshob ndùb là, ke nefà taʼ bètte zʼa ywimde ben tse bo tshwèt njuʼ o là nefon miag ntshob ndùb ntùm yen nka Ñwaʼni Nsi là lo.
-
Sañlañ num ntswide ndùb. A be ze taʼ ju tèndʼo nesiañ taʼ nka Ñwaʼni Nsi là, mbʼa bwô o laʼde ntamde a be netèt miag ntshob tse ndùb ntùm nka Ñwaʼni Nsi zʼo siañ nà bo ju zʼa tèndʼo nesiañ i là.
-
Ghù yu ntswide fiag nejuʼu. Bàm nà nebagde tshu nzenze tsʼa keʼ ghù moʼ ntamde bo tswide ndùb o tshwèt mfà là. Yéʼde num tshu tse benntùn yà lèn mfà num yu tu ntshob là, ndèn njoñ ntswide a tshwèt mbètte nekwiʼde num neghù bo juʼ tu ntshob kuaʼ mebwô là.