Diag ntswide ntùn. Ghù mbe ntshob mu tum à ntùm Ñwaʼni Nsi, mbèn nsiañ à ntùm bwe ngelañ a fà bu là. A be zʼo yéʼdʼà num zenu njù, num taʼ nkùn njù, num taʼ mfiʼ, ke num tsemoʼ ntswide lo là, bwôgmbwe ntshét miag mbe a bʼa nenùne, ke bèn mbʼa njwèn ntswide.

Loʼ ba ntswide mfaʼ yi mebwô. Bagde nka Ñwaʼni Nsi a zin ku ntshùʼ bo mat tshu naʼ ntôg yi là, bo ntswide Ñwaʼni Nsi, mbèn nzin ku ntshùʼ bo ba nkide “ngafaʼ ze nenùne mbèn be ngazede.” (Mat. 24:45) O yéʼde num nkide njù, o tshét miag ndù kà o bade nkwade bo ntswide ngakide.

Siañde nu mfà num tshen ntswide ntùn nà. Ngelañ o siañ ke netùnde taʼ nka Ñwaʼni Nsi là, fà ba mbwô mbètte, ke ba mfiʼ lo tsʼa ywimde ben tse bo tshwèt njuʼ o là nekut tun i yub tu.