Loʼ à ba mfiʼ tsʼa fiag nejuʼ là. Mba Yésu là, loʼ bontsit tshu mbagde tshu ndùb yi, mbèn ndoʼ tshu tsʼa fiag nejuʼ là mbagde tsʼa ta là yi. Kà kwiʼde tshu ke tshañ i tsʼa ghù kà bo juʼ mfiʼ zʼo loʼ là. Ghù mbe njoñ ba bag mfiʼ fa zʼo loʼ là zin ku ntshùʼ bo ju zʼo tshwèt ntswide là, neghù mbe kà zenu benntùn tsin num tshu bànbàn.

Kà tsin nekwade ben bo juʼ o là. Loʼ à ba mfiʼ tsʼa tshwèt ndôde mfaʼ mub mba tshu tsʼa num mbwô yub là. Bàm nà neloʼ ba mfiʼ tsʼa ghù bo juʼ kebwô, ke tsʼa ghùtni yub là lo.

Tswide ju ndùb yu tu ntshobe. Loʼ ba mfiʼ, nsañlañ yi à num tshu ndùb tsʼo tswide là, ke sañlañ à num bontsit tshu. Ghù mbe benntùn o tshwèt ntswide yub là be tshùb ba mfiʼ, ntshùb mba ba loʼ nzenu a be njam bwe là.