“A lo bwô ndù bin be ghatswide.” (Héb. 5:12) Naʼ nkwade! Yaweh Nsi​—Ngatswide ze ndùb ntùm njoñ njù fa​—tshwèt ntsiañ ben netswide tsemoʼ benntùn mfà num i! Mba zit faʼ lo netswide nenùn mfà num Yaweh Nsi​—kʼa be ntùm tunndà, ntùm ndà ntseʼde, ke nàfaʼ lo​—bʼa fuʼ mbèn mbe faʼ ndùb. Be be faʼ mbʼa bètte lʼà ndùke?

Bùnde bʼa ntùm ntshob ngantum Paulo kide Timôtio là: “Fà wul o num nesiañ Ñwaʼni Nsi, num ntage, num netswide.” Paulo bèn nkwiʼde mbe: “Nummbe, a be zʼo ghù ndùlala là, mbʼo nsi yôg tu wul o mba ben tse bo ke njuʼ o là.” (1 Tim. 4:13, 16) O ghù taʼ nkùn yôg neghapte. Ndùlala, a bètte o faʼ yu mat nesiañ bo netswide. Yen kam buʼ ñwaʼni li be nsi à num neywimdʼo. Bag bin naʼ ndôde ze neloʼ mbe yi.

Yaweh Nsi bʼa ‘Ngatswide ze ndùb.ʼ (Es. 30:20, nwt.) Mba tà ndù yen kam buʼ ñwaʼni li aʼ ywimdʼo nebwô nèn mbwe ntùm yu mat nesiañ bo netswide, kà lagde mbe Yaweh Nsi bèn mbe ntumnsi ntse zebe nkùn mebwô mbèn mbe Ngasoñde benntùn. (Yoha. 6:44) Ndùlala, nke ndeʼdʼé mbèttʼé ywèt tse tse nelàne. Nke ndoʼ Ntshob Nsi mfaʼ yi. Nke nsoñde zenu benntùn à num Yaweh Nsi ke bʼa num o. Kagtùn nedùʼ nkôni mfà num Yaweh Nsi ntùm ntù ben tsʼo tshwèt ntswide yub là.

Bo fà taʼ faʼ wù ne nke ntswide nkùn ndùb ze bo keʼ toʼ fà benntùn nyiañtu là. Bag lèn ke magde mbe o yéʼde num neta ze Nsi fà wù là, mba oaʼ maʼ ntshùa.​—1 Pét. 4:11.

Fèt tsho ghatswide,

Tu ntseʼde Ghakwénta Yaweh Nsi