Yésu naʼ ntswide ghaziʼde nu i à ndaʼ taʼ ghamde, ghamde nenùne. A bʼa mba taʼ manze netshùa bwe ngù yôg matmat là. Yésu naʼ tshob mbe: “Ben metsili bʼa tse bo fon” yen manze là là. (Matio 7:14) Nsi nke mbam à ndaʼ ghamde zʼa yéʼdʼà num ze Ñwaʼni nenùn nà. Njoñ ghaghamde Nsi fa tse nenùn tamde à ntùm bamntù ntshùʼ.​—Siañ Yohané 4:23, 24; 14:6; Efésô 4:4, 5.

Lôde la’de netshañ Nsi num mbam njoñ ghamde fa ké?

Yésu naʼ tshob mbe ghatshob ntshob Nsi tse tatte aʼ maʼ mfùm ntùm ntseʼde benkristô. O be njen yube, nkwade mbe bo bʼa ghaghamde Nsi tse nenùne. Tshob tshôssi num ntshob mbe bo bʼa benkristô. Là, o kuʼni nelèn kuaʼ tshen benntùn nà njam mfaʼ mube. Ndùke? Ndaʼ ghamde nenùn bèn nke ngù kuaʼ benkristô tse nenùne – Tse bo be ndaʼde mbwô mat ntùm ngùninu mub là.​—Siañ Matio 7:13-23.

Lôde tshu tse tàn ni tsʼa ywimdʼo là:

• Ghaghamde tse nenùn num nkuʼni Ñwaʼni Nsi mba Ntshob Nsi là. Bo be kagtùn nezin à ntùm tun ntshùʼ mi. Ndùlala, bade be netèt ghamde nenùn bo zʼa fe à  nkwade benntùn nà. (Matio 15:7-9) Ghaghamde tse nenùn keʼ be tswide taʼ ju nke ngù ze ghua.​—Siañ Yohané 17:17; 2 Timôtio 3:16, 17.

• Ghaziʼde nu Yésu tse nenùn be nkuʼni lén Nsi, Yehovah. Yésu naʼ kuʼni lén Nsi mba a naʼ nke nsoñ yen lén nà ke lemdʼé là. A naʼ ywimde benntùn nelèn Nsi, mbèn ntswide yub ne nke ngù leʼde Nsi mbe lén se be nelàne. (Matio 6:9) Num yu dùʼ ntswe, zit ghamde nke ntswide lén Nsi à?​—Siañ Yohané 17:26; Roma 10:13, 14.

• Benkristô tse nenùn be nsoñ nkùn mebwô num Nufen Nsi. Nsi naʼ tum Yésu a seʼ nsoñ à nkùn mebwô num Nufen. Ndaʼ Nufen Nsi bèn mbe nywinde njoñ benntùn fà. Yésu naʼ nke ntshob mfà num bwe tà kum léʼ a kwù là. (Lukas 4:43; 8:1; 23:42, 43) A naʼ tshob mbe ghaziʼde nu i nke nsoñ nkùn mfà num bwe. Taʼ mènntùn gheptʼo nesoñ o nkùn mfà num Nufen Nsi, mbʼoaʼ tshob mbe a bʼa ntùm zit ghamde à?​—Siañ Matio 24:14.

• Ghaziʼde nu Yésu keʼ be loʼ moʼ bag ntùm yen tshùagkèt njù li. Be o lèn yub num yub nebe ke loʼ bag ntùm nkùnkù, ke ntsho boa mfagde lo. (Yohané 17:16; 18:36) Là, bo keʼ be fiʼde tshu kebwô yen njù li ke bèn nkô ze mat.​—Siañ Yakobo 4:4.

• Benkristô tse nenùn be ndaʼde nkôni tumlàm netèt bo. Ntshùade njam Ñwaʼni Nsi, bo be nziʼde nekuʼni benntùn njoñ ntañlaʼ fa. Kà mba ndù ghamde kebwô num nèn mbwe num netomde ntsho ntùm ba ngôngô, ghaghamde tse nenùn be nga neghù ndùlala. (Mika 4:1-3) Là, benkristô tse nenùn be ndoʼ yub ngelañ bo yub nkàb à ne nke njwimde mbèn nso kù yi num tsemoʼo.​—Siañ Yohané 13:34, 35; 1 Yohané 4:20.

Zit ghamde bèn nke nsô njoñ tse ntswide fa ntùm Ñwaʼni Nsi, nkuʼni lén Nsi, mbèn nsoñ nkùn mebwô Nufen Nsi mba nywinde njoñ benntùn fa à? Zit ghamde bèn nke ndaʼde nkôni mbèn nke mban ntsho à? Ke zʼo tshwèt nkwade à?​—Siañ 1 Yohané 3:10-12.