Ben ntù ntshùʼ be ntùm njoñ tshôssi fa là. Mbwô nkùn bʼa mbe Yaweh Nsi num njen njoñ tshen benntùn là fa, mbèn nke nywin num bo. Ndaʼndù, bo loʼ tshôssi sènni nke ngù à tshu kebwô yi. (2 Korintô 4:3, 4; 11:13-15) Mba tshô njù tshwèt ndaʼde là, mbeʼ yàm tshôssi num ndoʼ bag num nekag bwôg ndùb, nefètte lem, neleʼ ntsho, mbèn mbagde bônkeʼ. Tshen tshu kebwô là num ngùtni ben bo bam Nsi ntù ntshùʼ là!​—Siañ Matio 24:3-5, 11, 12.

Ghamde mebwô num be fà nkuʼni Nsi, tshôssi kebwô nke mbag i. Bo num ntswide nkwade tsʼa keʼ be ntùm Ñwaʼni Nsi là, mba tswide kebwô mfà num Nsi bo vùkob là. Ndaʼndù, Yaweh Nsi kô mbe benntùn lèn nenùn mfà num i.​—Siañ Ezekia 18:4; 1 Timôtio 2:3-5.

Nsi keʼ be fañ mbe ba tshôssi bo tshwèt ntshob ntshùantshu mbe bo kô i, njôg nke mfaʼ à faʼ njù Satan nà, fùdʼé. (Yakobo 4:4) Ñwaʼni Nsi nke ntsiañ njoñ ba tshôssi kebwô fa à “Babilon ze ndùb.” Babilon naʼ mbʼa tùsô ze tshôssi kebwô naʼ ntoʼde bwe ngelañ dibambañ tôg là. Me ndaʼndaʼ, Nsi bagde njoñ tshôssi fa tse bo tshwèt mfùde, mbèn nke ngùtni benntùn nà.​—Siañ Apokalipse 17:1, 2, 5, 16, 17; 18:8.

Nkùn mebwô nekeʼe. Yaweh Nsi keʼ lagde ben ntù ntshùʼ tse bo be ntùm tshôssi kebwô ntùm njù sagkuà là. A num nkùmde tshen benntùn nà ngelañ zʼa tshwèt ntswide yub nenùn nà.​—Siañ Mika 4:2, 5.

Yaweh Nsi num nywin num ben bo kô nunenùn, mba numebwô là. A tshwèt nànde yub bo tum ntùm tshôssi kebwô. Benntùn tse bo kô Nsi là ghù nzi nebade num nefà tsiañde yi.​—Siañ Apokalipse 18:4.

Ngelañ Yésu, ben ntù ntshùʼ naʼ juʼ nkùn mebwô ze ghantum nke nsoñ nà, mbam bo tsiañde. Yaweh Nsi naʼ tswide yub mat nswe neloʼ ntswe yi, zʼa kwiʼde yub tsiañde, mbèn tshùbte yub nywinde là. Bo bʼa mbwô mfiʼ num ben sènni nummbe bo naʼ bam nkùn mebwô, mbèn njab Yaweh Nsi mbwe dùʼ ntùm yôg sube.​—Siañ 1 Tésalônikà 1:8, 9; 2:13.

Ben bo tum ntùm tshôssi kebwô là, Yaweh Nsi num ntsiañde yub netèt tunndà ghafaʼ tse. Yaweh Nsi netsiañ o o bam, mba oaʼ be nshun i, ngù taʼ tunndà nkôni ze nswe–ze ghaghamdʼé–mbèn ngù yôg matmat.​—Siañ Marko 10:29, 30; 2 Korintô 6:17, 18.

Tshoʼde ntsha tshôssi kebwô bʼa taʼ nkùn mebwô. A nsi loʼ fide nseʼ yi ntùm njoñ ngôngô fa. Tshôssi kebwô ke nsi mbèn mfùde benntùn, ke nefagde yub lo. Mba zit mènntùn no nsi tamde bo tsemoʼo num neghamde Nsi nenùn tùʼ i.​—Siañ Apokalipse 18:20, 21; 21:3, 4.