Mèn num mbe diag neghù tàʼ nshun i ze nswe, a nke mbèttʼé nekagtùn; nebèn ntshùb yen nshun i là ntùm kuzin se, bèn nke mbèttʼé be kagtùn. A be ndù o kagtùn nebe nshun Nsi, mbèn ntshùb so kushun bin yi mebwô là, mbʼo nsi kwé mbotni mayàme. Yésu lo tshob ghaziʼte nu i ndù: “Bin nsi ziʼte nunenùn ndène; yen ngelaṅ nà, yen nunenùn mbit là tshuʼ zine.” (Yohané 8:32) Nebagte men ntshob li bʼa ndù ke?

Netshuʼ wul o mum yen ngelaṅ njù li. O kuʼni netshuʼ wul o, ke netum nkuan lo, bu ntswite kebwô, mba mbu tatte tse Satan tshwèt nsa ntùm njù là. O kuʼni netum nkuan mba mbu netswe ke ke nywinte sàm ju, mbe ju zʼa tshùb yôg ntshuʼ ntshuʼ benntùn tse bo keʼ lèn Yaweh là. (Roma 8:22) Shun Nsi tshuʼ wut tshob mba bu “neke mbwôg vùkob.”​—Héber 2:14, 15.

Netshuʼ wul o nzi ntswe yu tu, ntùm njù nswe ze Nsi zi loʼ seʼ yi là. Yen ni bʼa mà tsiaṅte ndùb wù, neyen ndù o tshuʼ wul o nkuan mbu njù, num nezi ntswe yu tu ndù manjam! Num nsitshàʼ ze Nsi zi kaṅ a tùʼ paradisi là, benntùn ke zi mbèn nke mbwôg ntsho, ngokèt, mba nebèn nke nzwite yube. Bo ke zi mbèn mbe bà bwôṅ, ke bèn nzi nke njuʼ nzikuʼu. Bo ke zi mbèn ndèn ywèn, ke bèn ndèn mba vùkôb. Bo ke zi mbèn nke ntswe ntùm bwôg, ke bèn nke njen ngeʼ. Bo ke  zi mbèn nke ngùtni yub bo tshunu ketsin. Nwaʼni Nsi tshwèt ntshob mfà num Nsi ndù: “O be ngàʼ bu o, mba zit ju lo zʼa ghù zwiag là, jù ju zʼa kô là, njwèle.”​—Yobkwi 145:16.

Shun Yaweh Nsi ghù yôg matmat. Yôg matmat bʼa tàʼ ndàʼ tanjoṅ ze Nsi zi fà ben tse bo tshwèt ndiag kushun se là. (Roma 6:23) Nàʼ nkwate njoṅ tshu fa tsʼa bʼo zi nke mfàʼ ngelaṅ zʼo kagtùn tà nzi ngù yôg matmat là njene!

O àʼ zi ngù ngelaṅ neloʼ mfàʼ tshu mayàm yi. Moʼndù o lo nke nkô neziʼte nzi mbʼa ngabuʼloṅe. Ke ndù o lo nke nkô neziʼtʼà fàʼ neke ndoʼ foto bon tshu mbu, ke se neke nkom ntshwèn no. Moʼ nduʼ o lo nke nkô neziʼtʼà ju mfà num ba nyàm, ke num ntù neywit lo. Nya kelà, kʼo lo nke nkô à nekatte, njen tsemoʼ ntumngô boa tsemoʼ ndzwit benntùn nyiaṅtu lo. O kagtùn tà nkwé yôg matmat, mbʼo nsi ghù ngelaṅ neloʼ mfàʼ njoṅ tshen tshu là yi fa!

O si ghù ngelaṅ neloʼ nkutnkushun mayàm yi. Yôg matmat nsi fà ngelaṅ neloʼ mbumte bin à mbeʼyàm tsemoʼ bandum mba bènnzwi, tse mba bo yub kutkushun boa Nsi mba wù là. O nsi be yôg shun bin à bo, nke ndèn ba mfàʼ mi bo lèn nefàʼ là, mba mat tshob tse mebwô. Mba bo yub nsi tùʼ à shun tsho. O àʼ zi nke nkô yube, mba bo nke nkô o. (1 Korintô 13:8) O ghù yôg matmat, mbʼo nsi ghù ngelaṅ neloʼ mbe nshun njoṅ benntùn fa yi num nsitsàʼa! Là, zʼa bèn mbwô ndute là bʼa mbe: ntùm nguʼnjù ntshàʼ ntshàʼ tsʼà nsi ketôg là, mu nkôni bin Yaweh Nsi ke nèn à be mbwe. Loʼ Nsi ngù nshun o yi matmat!