Nkôni bèn nke nte tun neyôg shune. Ndaṅndaṅ mbʼo nsi ke lènte bin Yaweh kuàʼ mebwô là, bʼa be ndaṅndaṅ mbʼo nsi kekô i nèn mbwe là. Mbʼo nsi kekô i nèn mbwe là bèn mbʼa be mbʼo nsi kekù ntù nefaʼ yi là. Neghù ndùlala nsi tèntʼo kʼo kaṅ ntùʼ à ngaziʼte nu Yésu Kristô. (Matio 28:19) Tsho yu ntùm tunndà tsiaṅte ghakwinta Yaweh, ndùlala kuʼni neghù o be yu nshun Nsi matmat! Ke zʼo kuʼni neghù kà mbe ndùla à?

A bwô ndù o ke nze nthsùʼ Nsi num neloʼ ndàʼte ndù o kô i. “Tshù ju ze nkôni Nsi be yi li: a bʼa ndù bag à bin ke nze ntshùʼ mi; ntshùʼ mi keʼ lèt.”​—1 Yohané 5:3.

Neke mfàʼ ju zʼo tshwèt nziʼte là. Yésu lo soṅ tàʼ tshô zʼa kuʼni neywimtʼo nejuʼ men nkwate li là. Tàʼ nzenu mèn lo kùt bàʼ i num loṅ. Nkagni mèn lo kùt ze num nkwa. Ngelaṅ ze tàʼ fetmbaṅ ndùb nàʼ nshùm neta là, bàʼ nzenu mèn zʼa nàʼ nkùt num loṅ nà lo ke wù; là, ze nkagni mèn zʼa nàʼ nkùt num nkwa là, lo sate fa ngwù nsi. Yésu lo bagte ntshob ndù: benntùn tse bo num njuʼ ntshob mi nke nze là ke mfutʼà nzenu mèn zʼa nàʼ nkùt bàʼ i num loṅ nà. Là, benntùn tse bo num njuʼ ntshob mi ke ke nze là, ke mfutʼà nkagni mèn zʼa nàʼ nkùt baʼ i num nkwa là. Zit mèn zʼo kô nefiʼtʼé num tshen benntùn bàa li à?​—Matio 7:24-27.

 Nefà wul o Nsi. Nefà wul o Nsi bʼa nediag tàʼ dùʼ ze ntshuʼte keʼ be là, ntswe bwe tùʼ o: ndeʼtʼé ntshob yi ndù o tshwèt ndiag neke mfàʼ num ze nekô, matmat. Nefàʼ num ze nekô Nsi ke ndàʼtʼà mbʼo tùʼ bʼa tàʼ ngabam ntshob Yésu Kristô.​—Matio 11:29.

Neghù bo nyuʼ o ntse. “Ghù bo nyuʼ o ntse, o bèn ntsiaṅ lèn Yaweh ndù a sôg njoṅ nukebwô tsho fa.”​—Mfàʼ ghantum 22:16.

Neke mfàʼ Nsi ke bot. “Mba kelèn ju lo ze bin num ngù là, bin ke mfàʼ à njoṅ ntù tsin fa, mbà bin fàʼ à Yaweh, ke bʼa mbà bin fàʼ à benntùn nyiaṅtu là.”​—Kolosé 3:23.