O ke nkô neléʼ tàʼ nshun o, mbʼo àʼ ke ntshobte bin yi. O num nke njuʼ nu i, mba yi bèn nke njuʼ ze yu. O num mbèn nke ntshob à numebwô mfà num nshun o, mbwe tsemoʼ benntùn. A bʼa be ju ntshùʼ bo nebe nshun Nsi. Be yen ju ze Nwaʼni Nsi tshwèt ntshob mfà num bwe là:

Ke ntshob yu nu Yaweh njoṅ ngelaṅ fa ntùm neke ndeʼtʼé. “Bin ke nkagtùn ntùm neleʼte Nsi.”​—Roma 12:12.

Bin ke nsiaṅ Nwaʼni Nsi, Ntshob Nsi. “Njoṅ ṅwàʼni Nsi fa fe à ywèt Nsi: a num njwimte neke ntswite, neke ntsiagte mèn, neke njab mba zit ju lo num ze dù.”​—2 Timôtio 3:16.

Bin ke ntswite tsemoʼ benntùn Ntshob Nsi. “Bin nèn nà, ngù ndù njoṅ nzwit benntùn nyiaṅtù fa num tshàʼ kaṅ ntùʼ ghaziʼte nu àm . . . ntswite yub neke nze njoṅ tshu fa tse me nàʼ ntshob bin nà.”​—Matio 28:19, 20.

 Bin diag neke nzin à bin à tsemoʼ shun Nsi. “Mèn ke njôg boa ghazenu mbʼa nsi tùʼ nzenu.”​—Tankùt 13:20.

Bin ke nèn ntseʼte ndà Nufen Nsi. “Mba we lo netèt be ke nkuʼni mfel i, ndùlala ndù nkôni be netèt be, . . . be bèn nke mfà fènntù be be.”​—Héber 10:24, 25.

Bin ke ntomte mfàʼ Nufen Nsi. “Mba zit mèn no [ke ngù] à mbʼa kwate ntù i là, ke tshàm, ke béb mbe bo nàntʼé, nummbe Nsi num nkô mèn zʼa be mfà ju mèn à ntùm tsiaṅte là.”​—2 Korintô 9:7.