Tshukebwô tsʼa tshwèt ntôgte num nsitshàʼ ndon nà ke ndàʼtʼà mbe paradisi ya ghebte. Nwaʼni Nsi lo tshob mbe bag à bin nsi yen tshukekŵo nzenze, kà mbe ghubte tshàʼ njog nkaṅ nzi paradisi. Bag à bin bʼa mum yen ngelaṅ njù mbit là ndonni! Tshù tsemoʼ lèn tshu tse Nwaʼni Nsi nàʼ ntshob mbʼà nsi tum mbwe be là li:

Badibantsho. “Moʼ ngô nsi lo, màʼ moʼ ngô ntsho; moʼ nufen nsi lo, màʼ moʼ nufen ntsho.” (Matio 24:7) Men nkam Ntshob Nsi li ya bumte e. Ne toʼte fe num nguʼ njù 1914, dibantsho bàa ya leʼ num nsitshàʼ fa, bon ntsho nkeʼnkeʼ bèn ndeʼe, nzwite benntùn ntshuʼ ntshu.ʼ

Ngokèt nenaṅ ntùm njù. “Ngokèt nzenze nsi naṅ ntùm njù; nke ntum ntùm tàʼ dùʼ nèn ntsho ntùm moʼo.” (Lukas 21:11) Yen nu li ya sagte mbwe be ké? Ṅ kwitshuʼ, ghon ntù, tswiagnzwi, takèt fiba, SIDA, boa ba tsemoʼ ngokèt nzenze ya zwite benntùn ntshuʼ ntshu.ʼ

Nebwôṅ jujù. Benntùn tse bo keʼ ghù jujù zʼa kuʼ num bo là yàm num nsitsàʼa. Tse ntshuʼ ntshuʼ num nkwù nzikuʼ njoṅ nguʼ fa. Yen ni bèn mbʼa be moʼ keki sʼa tshwèt nke ndàʼte ndù paradisi ghebte là. Nwaʼni Nsi ntshob mbe: “kekua nsi yà.”—Marko 13:8.

Tshàʼ neke nyiʼte. “Tshàʼ nsi ke nyiʼte ntùm tàʼ dùʼ ntsine, moʼ dùʼ bèn nyiʼte ze.” (Matio 24:7) Bag à  bin ya yen mba yen nà mum zebe ngelaṅ. Fe netoʼte num 1914, benntùn tse tshàʼ nyiʼte nzwi yub là tôg ntu ntshu.ʼ

Tshùagkèt benntùm. Benntùn nsi be “ghakô nkàb” mbèn mbe “ghakô tu wut tshobe.” Bo nsi be “ghakô ngùa ntshùa nekô Nsi.” Bônkeʼ nsi ke “gha nejuʼ ntshu tà tshobe.” (2 Timotio 3:1-5) O keʼ yen yu ndù lèn tshen benntùn nà yàm ntùm njù sènni ké? Bo keʼ be bwôg Nsi mba me tsil i, mbèn nke ndoʼ ngùtni ntèt benntùn tse bo tshwèt nke nkagtùn ne ziʼte nelèn Nsi là yi.

Nezwite benntùn. Benntùn nsi ke nèn à be mbwe ntùm “nebe ke zin num ntshùʼ.” (Matio 24:12) Mbà we lo ghù nebam mbe nezwite benntùn loʼ njù ntùm yen ngelaṅ ni, ntshùa mbʼa nàʼ mbe mbwe là. Ntùm njoṅ ngô fafa, benntùn ke ntswʼà ntùm bwôg neyi tshu tshobe, nefim ntshu tshobe ke netshuʼte yub ṅwi lo.

Njoṅ tshen tshu li fa ke ndàʼtʼa mbe Nufen Nsi ya ghebte. Nwaʼni Nsi tshob mbe: “Ngelaṅ ze bin nsi yen tshen tshu là ke nseʼ là, bin lèn ndù Nufen Nsi ghebte.” (Lukas 21:31) Là, Nufen Nsi bʼa ke? A bʼa tàʼ netô zʼa be mfe kamanyam, ndù à yi zi kaṅ nsitshàʼ loʼ ghù paradisi yi là. Yen Nufen Nsi mbit là bèn seʼ biagte tse netô benntùn nyiaṅtu, ndjôg ntswe num netô njù tùʼ i matmat.—Daniel 2:44.