Njoñ nguʼ fa, yag ntseʼde num nabte mbèn ngabte ntshuʼ ntshuʼ Ñwaʼni Nsi boa nkam mbuʼ mi bànbàn. Bag num nkut mbèn nabte tshag Ndà ntseʼde Nufen boa Bétél. Bag num ntomde ntshaʼ ntshaʼ ghafaʼ Bétél, bo ba ngaʼnze tumlam ntùm ngô ghua, mbèn nke mfà yag ywimde benntùn ngelañ ngeʼ ndùb lab yub là. Be o tshàm mbètte wul o mbe, nkàb netomde tshen tshu là fa nke mfe à yà?

Bag keʼ be bètte taʼ bag num gham, ke bètte bo bé mfaʼ, ke maʼde nkàb. Mba tà ndù sag faʼ ntùm njù num mbètte nkàb yàme, bag keʼ be bètte sàm ju benntùn. A tôg nguʼ nkù sènni mba mbatte ñwaʼni Ndiañ Ntom naʼ ntshob mbe, mba Yaweh Nsi bèn nke ntomde zebe faʼ là, bag bin ke nsi maʼ mbu, ke ne mbètte moʼ ju mènntùn. Men ntshob là tshwèt ndunde.​—Matio 10:8.

Bo nke tomde sag faʼ à boa fà bwôntù. Bwoñ benntùn num nyàmde sag faʼ netswide Ñwaʼni Nsi, mbèn nke ntomdʼé bo fà bwôntù. Ghakwénta yub tu num ntsiañde nefà yub ngelañ, yub neta, yub nkàb boa tsemoʼ tshu num neghù mbe ze nekô Yaweh Nsi dunde num nsitshaʼa. (1 Kronika 29:9) Ntùm ba ndà ntseʼde, boa mbumde ndùb, ba koñ nkàb be bwe là num benntùn bo kô nefà fà bwôntù là. Be o fà fà bwôntù num koñnkùn (jw.org.) Bag nkàb yàme ze bag num ngù là nke mfe à ba keju mbu ze bo num mfà metsili metsili là, mba mbwoñ mfôg mènnzwi ze Yésu naʼ ntshob nu num i mebwô, ndù a maʼ à bon nkeba bàa ntùm koñ ndà ghamde là. (Lukas 21:1-4) Ndùlala mba we lo kuʼni “neléʼ” me ju num nefà mbʼa “kwade ntù i là.”​—1 Korintô 16:2; 2 Korintô 9:7.

Bag lèn kuaʼ nenùn mbe Yaweh Nsi aʼ nèn mbwe netènde ntù benntùn bo kô nekuʼni i bo tshob tshu tanjoñ là, bo tomde faʼ Nufen se neghù ndù ze nekô dunde.​—Tànkùt 3:9.

• Zit bade a be netèt zebe ntseʼde boa tsemoʼ tshôssi à?

• Bo nke ndoʼ fà bwôntù mfaʼ yi à ndùke?