Bag labtʼo mbʼo loʼ ngelañ neziʼde yen kam buʼ ñwaʼni li là, num neghù o lèn yag kuaʼ mebwô, ndèn mfaʼ mag mbèn njen mba yag ntseʼde num nzin yi là. Bag kwade mbe yennà ywimdʼo nelèn mbe bag bʼa benntùn tse bo num ngù ze nekô Yaweh Nsi sènni là. Bag tshwèt nso kù num o, o nèn mbwe neziʼde nelèn Nsi, nsoñ yu tunndà, mba shun tsho mfà num tshu tsʼo tshwèt nziʼde là, mbèn nke nseʼ ntseʼde njoñ ngelañ fa.​—Héber 10:23-25.

Oaʼ be nèn mbwe nelèn Yaweh Nsi njen mbe a kô o yàme. Yennà aʼ tèndʼo nekagtùn mbʼo kuʼni là nelaʼde yu nkôni mfà num i. (1 Yohané 4:8-10, 19) Ndaʼndù bʼo laʼdʼà ndùke njoñ léʼ fa mbe o kô Nsi à? Numke nebét ntag Nsi mbe a num yu mebwô à? Ke zʼa ywimdʼo neghù ze nekô Nsi bo bag à? Mèn a tshwèt ntswidʼo Ñwaʼni Nsi là aʼ tsiañde neywimdʼo nebùnde tshen mbètte là, neghù mbe wù, bo yu tunndà kuʼni “neghô ntùm nkôni Nsi” ngù nywinde yôg matmat.”​—Yuda 21.

Bag tshwèt ndoʼ tsiañde ntsiañ o yi nenèn mbwe num manze nenùne, nziʼde mbatte ñwaʼni Restez dans l’amour de Dieu.