Ntswide num bag ywèle bʼa taʼ ju neloʼ ndèn Ghakwénta Yaweh Nsi yi fe mbwe. Ben netèt bo tse bo num nsoñ nkùn mebwô Nufen njoñ ngelañ fa là num ntsho ndà ñwaʼni tumlam, nedù mbe sub “faʼ dune.”​—2 Timôtio 4:5.

Ndà ñwaʼni ba ngaʼnze. Ngelañ taʼ ngaʼnze njoñ ngelañ fa miagde ze mbwe nguʼnjù faʼ là, mbʼa kuʼni nenèn ndà ñwaʼni léʼ ntôge ntùm taʼ ndà ntseʼde Nufen zʼa ghebtʼé là. Yen ndà ñwaʼni là bʼa neywimde ngaʼnze a bèn ngebte Yaweh Nsi, ngù mbe faʼ se fiag num njoñ bag tse fa, mbèn ndoʼ faʼ se nèn yi mbwe ntùm nebwôg Nsi.

Ndà ñwaʼni ghasoñ nkùn mebwô Nufen. Yen ndà ñwaʼni ñwù bàa là, bʼa num netswide ba ngaʼnze bo yà ghù moʼ njoñ zenu ntùm faʼ, mbèn nkuʼni nelo yub dùʼ ntswe nèn mba yà lo dùʼ ze nzi be là. Ntshùade num mfiʼ Yésu ngasoñ nkùn mebwô ze ndùb ze nsitshaʼ keʼ toʼ yen nà, bo nke ntshob à mbe: “Tshù me li, tum àm.” (Esaya 6:8; Yohané 7:29) Nelo nèn ngùanesà num yub dùʼ ntswe num mbètte mbe bo bam yôg nefiage, ke ghù tshu yàme. Nte ngô, ngelañ, mba jujù kuʼni nebade bo tse bo naʼ ngù là. Moʼndù a bètte mbe bo ziʼde taʼ ntshob nswe. Kà bo nandà, kà bo ke na lo, yen ndà ñwaʼni là be njwimde ba fètfèt tse bandum mba tse bènnzwi tse bo ghù nguʼ 23 nèn nkum 65 là, nedùʼ ba mat ywèt tsʼa ywimde yub dùʼ bo tshag yub là, mbèn ngù ba mbwô mat faʼ tsʼa ywimde yub nefañ Yaweh Nsi bo ntseʼdʼé loʼ yub mfaʼ yi mebwô là.

Ndà Ñwaʼni Nsi Galad. Ntùm Ntshob Héber “Galad” bʼa “loñ nkwénta.” Fe mba a toʼde mum nguʼ 1943 là, yen ndà ñwaʼni là yà tshag benntùn 8 000 ntshùade, mba ngaʼnze tumlam ntùm ngô ghua là, bo soñ nkùn mebwô “tà nèn nkum num ntôg tshaʼa.” (Mfaʼ Ghantum 13:47) Tshen ben nà naʼ be kum Pérou, ndà ntseʼde ke be bwe, ndonni bo tôg 1 000. Ngelañ ba ngaʼnze tumlam ntùm ngô ghua naʼ ntoʼde nefaʼ Japon là, Ghakwénta bwe naʼ ke kum ntu gham. Sènni bo tôg 200 000. Ñwù tàn bo be ntôg neziʼ ju Galad là, be ngù bo ziʼde Ñwaʼni Nsi netoʼde kà nèn miagde. Num yen ndà ñwaʼni là, bo num ntsiañ ba ngaʼnze tumlam, mba ba tse bo be ntùm ngô ghua là, ba faʼ Tèdlaʼ, ba ntshaʼfaʼ, neghù taʼ tswide ndùb zʼa so kù num bo mbèn njwimde yub netomde faʼ Yaweh Nsi ntùm njù là.

• Bin Ñwaʼni ba ngaʼnze bʼa ke?

• We zʼa kuʼni nenèn ndà ñwaʼni ghasoñ nkùn mebwô Nufen à?