Inchrodokshan fi di Baibl Buk Dehn
Dehnya shaat veedyo noh onli tel yu weh di hapm eena di Baibl buk dehn, bot ih giv yu impoatant bakgrong infamayshan tu. Yooz dehnya veedyo fi help yu injai yu persnal Baibl reedin ahn stodi.
Inchrodokshan fi di Baibl
Noatis how eech buk tel wi sohnting impoatant bowt di teem a di Baibl—how Gaad Kingdom, weh Jeezas wahn rool oava, wahn klayr op Jehoava naym.
Inchrodokshan fi di Buk a Genesis
Di buk a Genesis tel wi bowt how Jehoava mi kriyayt hyoomanz, ahn bowt how sofarin ahn det mi kohn fi egzis.
Inchrodokshan fi di Buk a Exodus
Gaad mi sayv di Izrelait dehn fahn slayvri ahn ton dehn intu wahn nayshan weh bilangz tu hihn.
Inchrodokshan fi di Buk a Leviticus
Si how di buk a Leviticus taak bowt Gaad hoalinis ahn wai ih soh impoatant fi mek wi bee hoali.
Inchrodokshan fi di Buk a Numbers
Si wai ih impoatant fi aalwayz obay Jehoava ahn wai wi need fi obay di wan dehn weh Jehoava apoint fi tek di leed.
Inchrodokshan fi di Buk a Deuteronomy
Eena dis buk wi wahn si how Jehoava mi yooz di Laa weh ih mi gi Izrel fi shoa humoch ih lov ih peepl.
Inchrodokshan fi di Buk a Joshua
Si how di nayshan a Izrel kanka ahn win di lan weh Gaad mi gi dehn.
Inchrodokshan fi du Buk a Judges
Di buk a Judges geh ih naym fahn sohn man weh mi shoa korij ahn fayt eena Jehoava. Hihn yooz dehn fi sayv ih peepl fahn dehn enimiz.
Inchrodokshan fi di Buk a Ruth
Di buk a Ruth taak bowt how wahn yong wido mi ga moa lov fi ih mada-in-laa dan fi ihself an ih tel wi how Jehoava mi bles di too a dehn.
Inchrodokshan fi di Buk a 1 Samuel
Si how tingz mi chaynj fahn di taim a di Joj dehn tu di taim wen di king dehn mi staat rool oava Izrel.
Inchrodokshan fi 2 Samuel
Yu wahn si how wahn lata peepl mi noa ahn lov Dayvid bikaaz ih mi hombl ahn faytful.
Inchrodokshan fi di Buk a 1 Kings
Reed how Izrel mi di praspa wen King Salaman mi di rool ahn how dehn mi gaan chroo haad taimz afta di kingdom mi split intu Izrel ahn Jooda.
Inchrodokshan fi di Buk a 1 Chronicles
Fala di famili lain ahn di eksaitin laif a King Dayvid, wahn man weh mi fyaa Gaad fahn ih staat rool tu wen ih mi ded.
Inchrodokshan fi di Buk a 2 Chronicles
Si how di hischri a dehn king a Judah show wi wai ih impoatant fi bee laayal tu Gaad.
Inchrodokshan fi di Buk a Ezra
Jehoava mi kip ih pramis fi bring ih peepl bak fahn Babilan ahn mek dehn staat bak chroo wership eena Jeroosalem.
Inchrodokshan fi di buk a Nehimaiya
Di buk a Nehimaiya ga lata lesn fi dehn wan weh reeli di wership Gaad tudeh.
Inchrodokshan fi di Buk a Esther
Di tingz weh mi hapm eena di dayz a Esther wahn schrentn wi fayt dat Jehoava ga di abiliti fi sayv wi fahn wi chraiyalz eena tudeh day.
Inchrodokshan fi di buk a Job
Dehn wan weh lov Jehoava wahn geh tes. Di buk a Job giv wi di kanfidens dat wi ku stay laayal tu Jehoava ahn dat wi ku sopoat fi hihn rait fi rool.
Inchrodokshan fi di Buk a Psalms
Di Buk a Psalms sopoat Jehoava rait fi rool, ih help ahn komfert peepl hoo lov ahn, an ih shoa how hihn wahn yooz ih Kingdom fi chaynj dis werl.
Inchrodokshan fi di Buk a Praverbz
Geh gud advais fahn Gaad weh ku help yu eena aal ayryaz a yu laif, laik wen yu di deel wid bizniz er eevn famili mataz.
Inchrodokshan fi di Buk a Jeremiah
Jeremiah da-mi wahn faytful prafit eevn doa ih gaahn chroo lata haad taimz. Tink bowt how fi hihn egzampl ku help Kristyanz nowadayz.
Inchrodokshan tu Lamentations
Eena Lamentations, Jerimaiya mi rait bowt di saro weh dehn mi feel oava di dischrokshan a Jeroosalem, ahn how Gaad shoa mersi tu di wan dehn weh ripent.
Inchrodokshan tu Ezekiel
Ezekiel du wateva Gaad tel ahn fi du, an ih shoa korij du it eena wahn hombl way, noh mata how haad ih mi haad. Wee ku laan fahn fi hihn egzampl.
Inchrodokshan fi di Buk a Daniel
Daniel an ih fren dehn mi stay faytful tu Jehoava noh mata weh dehn mi gaahn chroo. Fi dehn egzampl lang wid di prafesi wi si kohn chroo ku help wi now, eena di taim a di en.
Inchrodokshan fi di Buk a Hosea
Hozaya prafesi gat een sohn impoatant lesn fi wi tudeh bowt Jehoava mersi tuwaadz peepl weh ripent ahn di kaina wership weh hihn waahn.
Inchrodokshan fi di Buk a Joel
Joawel mi prafesai bowt di day a Jehoava an ih menshan weh wi need fi du fi servaiv. Fi hihn prafesi eevn moa impoatant tudeh.
Inchrodokshan fi di buk a Amos
Jehoava mi yooz dis hombl man fi du wahn impoatant werk. Weh lesn wee ku laan fahn Aymos?
Inchrodokshan fi di Buk a Obadiah
Di buk a Obadiah da di leelis buk eena di Heebroo Skripchaz, er di Oal Testiment. Di prafesi aafa hoap ahn pramis dat Jehoava roolaship wahn soon tek oava di hoal ert.
Inchrodokshan fi di Buk a Jonah
Di prafit mi aksep karekshan fahn Jehoava, ih mi du weh Jehoava mi sen ahn fi du, ih mi laan wahn impoatant lesn bowt Gaad laayal lov ahn mersi. Aal di ting dehn weh ih mi gaan chroo wahn toch yu haat.
Inchrodokshan fi di Buk a Micah
Dis prafesi fahn Gaad ku help wi fi schrentn wi chros eena Jehoava, dat weh hihn aks wi fi du noh haad an ih wahn benifit wi.
Inchrodokshan fi di Buk a Nahum
Di prafesi help wi fi chros dat Jehoava wahn du evriting weh ih seh ih wahn du ahn dat hihn gi komfert tu dehn wan weh luk fi pees ahn salvayshan anda fi hihn Kingdom.
Inchrodokshan fi di Buk a Habakkuk
Wi ku bee shoar dat Jehoava aalwayz noa di bes taim an di bes way fi sayv ih peepl.
Inchrodokshan fi di Buk a Zephaniah
Wai wi shudn tink dat Jehoava day a jojment noh wahn kohn?
Inchrodokshan fi di Buk a Haggai
Di prafesi shoa wi dat fi wership Gaad moa impoatant dan wi oan persnal inchres.
Inchrodokshan fi di Buk a Zechariah
Lata vizhan ahn prafesi fahn Gaad schrentn fi hihn peepl eena di paas. Dehn sayhn prafesi mek wi bee shoar dat Jehoava wahn kantinyu fi help wi tudeh.
Inchrodokshan fi di Buk a Malachi
Da wahn prafesi bowt Jehoava prinsipl dehn weh noh chaynj, ih mersi, an ih lov. Di prafesi gat een sohn impoatant lesn weh ku help wi handl sichuwayshanz tudeh tu.
Inchrodokshan fi di Buk a Machyu
Injai di laan sohn baysik chroot bowt di buk a Machyu, weh da di fos buk owta di foa Gaspl dehn.
Inchrodokshan fi di Buk a Maak
Di buk a Maak da di shaatis owta di foa Gaspl dehn. Ih gi wi wahn lee aidyaa a Jeezas roolaship az di King a Gaad Kingdom.
Inchrodokshan fi di Buk a Look
Weh infamayshan di Gaspl a Look gat een weh difrent?
Inchrodokshan fi di Buk a Jan
Jan akonk foakos pahn Jeezas lov fi hyoomanz an ih hombl atichood. Ih tel wi tu bowt Jeezas az di Mesaiya—di fyoocha King a Gaad Kingdom.
Inchrodokshan fi di Buk a Aks
Di Kristyan dehn eena di fos senchri mi werk haad fi mek disaipl a peepl fahn aal difrent nayshan. Di buk a Aks ku inkorij yu fi bee moa eksaitid fi di minischri.
Inchrodokshan fi di Buk a Roamanz
Dis buk taak bowt how Jehoava chreet evribadi di saym way, ahn dat ih veri impoatant fi ga fayt eena Jeezas Krais.
Inchrodokshan fi di Buk a 1 Korintyanz
Paal leta inklood kongsl bowt yooniti, sekshwal imoraliti, how ih impoatant fi shoa lov, ahn bileef eena di rezorekshan.
Inchrodokshan fi di Buk a 2 Korintyanz
Jehoava, “di Gaad weh gi wi aal di komfert,” schrentn ahn sopoat ih servants.
Inchrodokshan fi di Buk a Galayshanz
Paal leta tu di bradaz da Galaysha mi help dehn bak den ahn ih ku help wee tu. Ih ku help aal chroo chroo Kristyanz fi stay faytful.
Inchrodokshan fi di Buk a Ifeezhanz
Dis leta hailait Gaad perpos fi bring pees ahn yooniti chroo Jeezas Krais.
Inchrodokshan fi di Buk a Filipiyanz
Wen wi stan op schrang chroo chraiyalz, wi ku inkorij adaz fi stan op schrang tu.
Inchrodokshan fi di Buk a Koloashanz
Jehoava wahn pleez wid wi if wi yooz weh wi laan eena wi laif, fagiv wan anada freeli, ahn rekonaiz Jeezas pozishan ahn atariti.
Inchrodokshan fi di Buk a 1 Tesaloanyanz
Wi need fi stay awayk spirichwali, “tes tingz ahn den kip weh gud,” “neva stap pray,” ahn inkorij wan anada.
Inchrodokshan fi di Buk a 2 Tesaloanyanz
Paal karek di rang aidyaa weh sohn peepl mi gat bowt wen Jehoava day wahn kohn, ahn hihn mi inkorij di bradaz fi stan op schrang eena fayt.
Inchrodokshan fi di Buk a 1 Timoti
Paal mi rait 1 Timoti fi shoa how tingz eena di kangrigayshan mi fi get don, ahn hihn mi waan dehn wan eena di kangrigayshan fi stay weh fahn dehn wan weh teech loan lai ahn fahn di lov a moni.
Inchrodokshan fi di Buk a 2 Timoti
Paal inkorij Timoti fi finish di jab weh Gaad mi gi ahn fi du.
Inchrodokshan fi di Buk a Taitos
Paal leta tu Taitos point owt di prablemz weh mi egzis eena di kangrigayshan dehn da Kreet ahn ih menshan di spirichwal kwalifikayshan weh di eldaz need fi gat.
Inchrodokshan fi di Buk a Faileeman
Paal leta mi shaat bot powaful bikaaz ih mi gat een sohn gud lesn weh wi ku yooz, laik how fi bee hombl, kain, ahn how fi fagiv wan anada.
Inchrodokshan fi di Buk a Heebrooz
Kristyan wership bays pahn moch beta tingz dan sohn fizikal templ ahn animal sakrifais.
Inchrodokshan fi di Buk a Jaymz
Jaymz mi yooz sohn powaful iloschrayshan fi teech impoatant Kristyan prinsiplz.
Inchrodokshan fi di Buk a 1 Peeta
Peeta fos leta inkorij wi fi kip bizi ahn fi chroa aala wi woriz ahn kyaa pahn Gaad.
Inchrodokshan fi di Buk a 2 Peeta
Di sekant leta weh Peeta mi rait inkorij wi fi ga fayt az wi di wayt fi di nyoo hevnz ahn di nyoo ert.
Inchrodokshan fi di Buk a 1 Jan
Di leta Jan rait waan wi bowt Krais enimi ahn help wi fi si weh wi shud ahn shudn lov.
Inchrodokshan fi di Buk a 2 Jan
Jan sekant leta rimain wi fi kantinyu obay Jehoava teechinz ahn wi fi protek wiself fahn dehn wan weh waahn fool wi.
Inchrodokshan fi di Buk a 3 Jan
Jan terd leta teech wi wahn byootiful lesn bowt Kristyan haspitaliti.
Inchrodokshan fi di Buk a Jood
Jood ekspoaz dehn wan weh mi-di chrai chrik ahn korop di Kristyanz.
Inchrodokshan fi di Buk a Revilayshan
Di amayzin vizhan dehn eena di buk a Revilayshan diskraib how di Kingdom a Gaad wahn fulfil Gaad perpos fi hyoomanz ahn fi di ert.