Eevn doa hyoomanz di chrai dehn bes fi bring werl pees, dehn kyaahn du it. Mek wi luk pahn sevral reezn wai dehn kyaahn bring werk pees noh mata how haad dehn chrai:

•   “Ih noh eevn bilangz tu wahn man weh di waak fi seh how fi tek di neks step.” (Jeremiah 10:23) Gaad neva mek hyoomanz fi rool dehnself, ahn hihn neva gi dehn di rait fi rool dehnself needa. Bikaaz a dis, dehn wahn kyaahn bring pees weh wahn laas fareva.

•   “Noh put yu chros eena peepl weh ga powa ner eena eni hyooman, bikaaz dehn kyaahn sayv wi. Ih spirit kom owt, hihn goh bak tu di grong; pahn da sayhn day ih stap tink.” (Psalm 146:3, 4) Govament leedaz di chrai dehn bes, bot dehn kyaahn fain wahn solooshan fi en aala di waar.

•   “Di laas dayz wahn bee daynjaros ahn laif wahn bee haad, bikaaz peepl wahn . . . bihayv laik wail animal, ahn dehn wahn hayt evriting weh gud. Dehn wahn bichray wan anada. Dehn wahn stobant an onli waahn du dehn oan ting. Dehn wahn tink tu moch a dehnself.” (2 Timoti 3:1–4) Bikaaz a di way peepl bihayv eena “di laas dayz,” ih mek it haad fi ga pees.

•   “Chrobl fi di ert ahn fi di see, bikaaz di Devl kohn dong tu unu, an ih beks bad, kaaz ih noa dat ih onli ga lee bit a taim lef.” (Revilayshan 12:12) Di Devl, hoo da Gaad enimi, deh rait ya pahn di ert, an ih di push peepl fi ak jos laik hihn. Az lang az di Devl da “di roola a dis werl,” wi wahn neva liv eena pees.—Jan 12:31.

•   “[Gaad Kingdom] wahn krosh ahn put wahn en tu aala dehnya kingdom, an ih wahn bee di onli wan weh wahn laas fareva.” (Daniel 2:44) No hyooman govament ku eva bring werl pees. Onli Gaad Kingdom ku gi wi weh wi waahn, weh da pees weh wahn laas fareva.—Psalm 145:16.