Memoaryal a Jeezas Det
Satideh, Aypril 12, 2025
Wans a yaa, aal oava di werl, Jehoava Witnisiz fala Jeezas koman fi selibrayt di aniversri a ih det. Dis da weh hihn koman ih falowaz: “Kip aan di du dis fi memba mi.”—Look 22:19.
Wi di invait yu fi aten dis ivent.
Kweschanz Weh Lata Peepl Aks
How lang di proagram wahn laas?
Ih wahn laas fi bowt wan owa.
Wehpaat ih wahn bee?
Kantak wan a Jehoava Witnisiz fi geh moa infamayshan eena yu ayrya.
Wi fi pay fi goh een?
No.
Wi fi gi kalekshan?
No. Jehoava Witnisiz noh tek op kalekshan da dehn meetinz.
Weh wi fi wayr?
Wi noh tel peepl egzakli weh fi wayr da dehnya meetin, bot az Jehoava Witnisiz wi chrai wi bes fi fala di advais weh di Baibl gi wi fi jres rispektabl ahn deesent. (1 Timoti 2:9) Yu kloaz noh need fi bee fansi er ekspensiv.
Weh aal wahn hapm da di Memoaryal?
Di meetin staat an en wid wahn sang ahn wahn pryaa. Evribadi welkom fi sing, ahn wahn brada weh da wan a Jehoava Witnisiz wahn seh di pryaa. Di taak wahn diskos wai di det a Jeezas impoatant tu aala wi ahn how wee ku benifit fahn weh Gaad ahn Krais du fi wi.
Fi moa infamayshan, si di aatikl “Why Do Jehovah’s Witnesses Observe the Lord’s Supper Differently From the Way Other Religions Do?”
Wat da di dayt dehn fi di Memoaryal eena di fyoocha?
2025: Satideh, Aypril 12
2026: Terzdeh, Aypril 2
Yu Mait Aalso Laik
MEMOARYAL
Memba di Det a Jeezas
Wi di invait yu fi dehdeh wid wi fi dis impoatant okayzhan. Yu wahn laan how yu ku benifit fahn Jeezas laif ahn fan ih det eena wahn persnal way.
ESSENTIAL BIBLE TEACHINGS
Wai Jeezas Mi Ded fi Wi?
Yu praabli don hyaa dat Jeezas ded fi wi sin dehn. Bot, yu reeli tink dat wan man sakrifais ku benifit milyanz a peepl?