1 Jan 1:1-10
1 Wi di rait tu unu bowt di wan weh mi deh fahn di biginin, weh bring di werd weh gi laif. Wi mi lisn ahn pay atenshan tu ahn, an wi mi si ahn wid wi oan aiy, ahn wi mi toch ahn wid wi oan han.
2 (Yes, laif mi apyaa eena dis werl, ahn wi don see’t aredi. Ahn now, dat da weh wi di taak bowt, ahn wi di tel unu di chroot bowt di evalastin laif weh mi kohn fahn di Faada, ahn da hihn mek wi noa bowt it.)
3 Wi di taak tu unu bowt di wan weh wi mi hyaa ahn si, soh dat unu ku jain tugeda wid wi jos laik how wee jain tugeda wid di Faada ahn wid ih Son Jeezas Krais.
4 Ahn wi di rait tu unu bowt dehnya ting soh dat wi ku reeli bee hapi fi chroo.
5 Dis da di mesij weh wi mi hyaa fahn Jeezas, ahn weh wi di tel unu bowt: Gaad da lait, ahn no daaknis noh deh eena hihn ataal.
6 If wi seh, “Wi da fi hihn fren weh werk lang wid ahn,” an stilyet wi kantinyu fi waak eena daaknis,* den wi di lai, ahn wi noh di liv akaadn tu di chroot.
7 Bot, if wi di waak eena di lait* jos laik how Gaad ihself liv eena di lait, den aala wi wahn bee yoonaitid, ahn di blod a Jeezas ih Son mek wi kleen fahn aal sin.
8 If wi seh, “Wi noh ga no sin,” den wi onli di fool op wiself ahn di chroot noh deh eena wi haat.
9 Gaad faytful ahn raichos, soh if wi kanfes fi wee sin dehn, hihn wahn fergiv wi ahn mek wi kleen fahn eniting weh noh raichos.
10 If wi seh, “Wi neva yet sin,” da laik if wi di seh dat Gaad tel lai, ahn fi hihn werd noh deh eena wi haat.
Futnoat
^ Dis di rifaa tu wahn persn weh praktis bad tingz.
^ Dis di rifaa tu wahn persn weh di fala Gaad gaidans.
