Jashwa 12:1-24
12 Now dehnya da di king dehn fahn di ees said a di Jaadn weh di Izrelait dehn kanka ahn tek weh dehn lan, fahn Arnon Vali op tu Mongt Hermon ahn di hoal a di Araba tuwaadz di ees:
2 Di Amorait king Saihon mi liv da Heshbon, an ih mi rool oava Aroawer, weh deh pahn di ej a di Arnon Vali, ahn fahn di midl a da vali op tu Jabok Vali, weh da di boada fi di Amonait dehn. Ahn di ayrya weh hihn rool oava mi inklood haaf a Giliyad tu.
3 Hihn mi aalso rool oava di ees said a di Araba, fahn Kineret See* tu Araba See, di Saalt See,* tu di ees laik yu gwehn da Bet-jeshimot, ahn tu di sowt da di batam a Pisga.
4 Dehn mi aalso kanka Og teritori. Hihn da-mi di king a Bayshan ahn wan a di laas a di Refayim weh mi stil alaiv, an ih mi liv da Ashtarot an Ejriyai.
5 An ih mi rool da Mongt Hermon ahn da Saleka an oava di hoal a Bayshan op tu di boada wid Gesher ahn wid Mayakat. Ih mi aalso rool oava di haaf a Gilyad weh goh op tu di boada wid Saihon di king a Heshbon.
6 Jehoava servant Moaziz ahn di Izrelait dehn kanka dehndeh too king, an afta dat Jehoava servant Moaziz giv aala di lan tu di chraib a Rooben, di chraib a Gad, ahn haaf a di chraib a Manaaseh.
7 Jashwa ahn di Izrelait dehn kanka lata king pahn di wes said a di Jaadn, fahn Bayal-gad eena Lebanon Vali an az faar az Mongt Haylak, weh goh op tu Seeyir. Afta dehn kanka dehn, Jashwa gi di lan tu di chraib dehn ahn divaid it monks dehn mek eech chraib geh dehn shayr,
8 fahn di mongtin dehn, di Shefeela, di Araba, di mongtinsaid, di wildanes,* ahn di Negeb. Aala dehnya lan yoostu bilangz tu di Hitait, Amorait, Kaynanait, Perizait, Haivait, ahn Jebyusait dehn. Ahn dis da di lis a king dehn:
9 di king a Jeriko, di king a Ayai, weh deh kloas tu Betel,
10 di king a Jeroosalem, di king a Hebron,
11 di king a Jarmot, di king a Laykish,
12 di king a Eglon, di king a Geezer,
13 di king a Deeber, di king a Geeder,
14 di king a Horma, di king a Ayrad,
15 di king a Libna, di king a Adolam,
16 di king a Makeeda, di king a Betel,
17 di king a Tapuwa, di king a Heefer,
18 di king a Ayfek, di king a Lazsharon,
19 di king a Maydon, di king a Hayzor,
20 di king a Shimron-meeron, di king a Akshaf,
21 di king a Tayanak, di king a Megido,
22 di king a Keedesh, di king a Jokniyam eena Karmel,
23 di king a Dor pahn di hil dehn da Dor, di king a Goiyim eena Gilgal,
24 di king a Tirza. Aal tugeda da mi 31 king.
Futnoat
^ Dis da wahn nada naym fi di See a Gyalilee er di layk a Genasaret.
^ Dis da wahn nada naym fi di Ded See.
^ Si di Glasari, “Wildanes.”
