Jashwa 15:1-63
15 Di famili dehn fahn di chraib a Jooda mi geh di lan op tu Eedom boada, di Zin dezert, an op tu di sowt en a di Negeb.
2 Di bongjri fahn di sowt said a fi dehn lan mi ron fahn di bay weh deh da di sowt en a di Saalt See.*
3 An ih goh way dong sowt tuwaadz di ayrya weh goh op tu Akrabim, kantinyu aan tu Zin, den gaan op fahn di sowt tu Kaydesh-barniya, tu Hezron, op tu Adar, ahn den tuwaadz Karka.
4 Den ih kantinyu aan tu Azmon, ahn den gaan aal di way tuwaadz Eejip Vali, ahn di boada mi en aaf da di see.* Dis hoal ayrya pahn di sowt said a di boada bilangz tu di chraib a Jooda.
5 Di boada fahn di ees said gaahn fahn di Saalt See op tu di en a di Jaadn Riva, ahn di boadalain da di naadan kaana mi deh da di bay a di see rait da di en a di Jaadn Riva.
6 Di boada gaan op tu Bet-hogla ahn kraas oava di naat a Bet-araba, ahn den gaan op tu di stoan weh naym afta Boahan, wan a Rooben disendant.
7 Di boada gaan op tu Deeber da Aykor Vali* ahn ton naat tuwaadz Gilgal, weh deh fronta weh yu goh op da Adomim weh deh sowt a di Vali, ahn di bongjri paas oava di waata spring da En-sheemesh an en aaf da En-roagel.
8 Di boada gaan op tu di Hinom Vali ahn dong sowt tuwaadz di mongtinsaid da Jeroosalem, di Jebyusait siti, ahn gaahn tap a di mongtin weh fays di wes said a di Hinom Vali, weh deh aal di way tu di naat a di Refayim Vali.*
9 Ahn di bongjri gaahn fahn di tap a di mongtin tu di waata spring da Neftoawa an aal di way tu di siti dehn da Mongt Eefron, ahn fahn deh di bongjri gaahn da Bayala, weh aalso naym Kiriyat-jeeyarim.
10 Fahn Bayala di bongjri gaahn tu di wes op tu Mongt Seeyir ahn den ih kraas oava Kesalon pahn di naat said a Mongt Jeeyarim, ahn fahn deh ih gaahn dong tu Bet-sheemesh ahn den kraas oava tu Timna.
11 Di bongjri gaan op tu di naat said a Ekron ahn kantinyu tu Shikeron, an ih paas oava Mongt Bayala tu Jabniyel, ahn fahn deh ih gaahn tu di see.
12 Di koas a di Grayt See da-mi di westan boada. Aala dis da-mi di teritori bongjri fi di famili dehn fahn di chraib a Jooda.
13 Ahn Jashwa mi gi Jefona son Kayleb wahn shayr monks di chraib a Jooda, bikaaz dat da weh Jehoava koman. Ih giv ahn Kiriyat-arba weh aalso naym Hebron. (Arba da-mi Aynak pa.)
14 Soh Kayleb jraiv owt di chree a Aynak disendant fahn deh: Sheeshai, Ahaiman, ahn Talmai.
15 Den ih lef fahn deh ahn gaahn atak di peepl weh liv da Deeber. (Deeber yoostu naym Kiriyat-seefer.)
16 Den Kayleb seh: “Ah wahn gi mi daata Aksa tu hooeva kanka Kiriyat-seefer ahn kyapcha it, ahn shee wahn bee fi hihn waif.”
17 An Otniyel, hoofa pa da-mi Kayleb breda Keenaz, kanka it. Soh Kayleb giv Otniyel ih daata Aksa fi bee ih waif.
18 Wail Aksa mi-di goh hoam, shee mi-di presha Otniyel fi aks fi shee pa fi wahn pees a lan. Den shee get aafa ih dongki weh ih mi-di raid pan,* ahn Kayleb aks ahn: “Da weh yu waahn?”
19 Soh shee seh: “Pleez gi mi wahn gif fi shoa dat Ah ga yu blesin, kaaz yu onli gi mi wahn pees a jrai lan eena di Negeb,* soh pleez gi mi Golot-mayim* tu.” Soh hihn giv ahn di plays weh dehn kaal Golot, di haiya wan ahn di loawa wan.
20 Dis da di inheritans fi di famili dehn a di chraib a Jooda.
21 Di siti dehn fi di chraib a Jooda weh deh eena di sowt paat tuwaadz di boada da Eedom da-mi: Kabziyel, Eeder, Jayger,
22 Kaina, Dimoana, Adayda,
23 Keedesh, Hayzor, Itnan,
24 Zif, Teelem, Biyaylot,
25 Hayzor-hadata, ahn Keeriyot-hezron weh aalso naym Hayzor,
26 Aymam, Sheema, Molayda,
27 Hayzar-gada, Heshmon, Bet-pelet,
28 Hayzar-shoowal, Beeyer-sheeba, Biziyotaiya,
29 Bayala, Aiyim, Eezem,
30 Eltoalad, Keesil, Horma,
31 Ziklag, Madmana, Sansana,
32 Lebayot, Shilhim, Ayin, ahn Rimon. Aal tugeda da mi 29 siti an aala di vilij rong dehn.
33 Eena di Shefeela, da mi: Eshtaol, Zoara, Ashna,
34 Zanoawa, En-ganim, Tapuwa, Eenam,
35 Jarmot, Adolam, Soako, Azeeka,
36 Shayarayim, Aditayim, ahn Gedeera ahn Gederotayim.* Da mi 14 siti an aala di vilij rong dehn.
37 Zeenan, Hadasha, Migdal-gad,
38 Dailiyan, Mizpa, Joktiyel,
39 Laykish, Bozkat, Eglon,
40 Kabon, Laamam, Kitlish,
41 Gedeerot, Bet-daygon, Nayama, ahn Makeeda. Da mi 16 siti an aala di vilij rong dehn.
42 Libna, Eeter, Ayshan,
43 Ifta, Ashna, Neezib,
44 Kaila, Akzib, ahn Mareesha. Da mi nain siti an aala di vilij rong dehn.
45 Ekron an aala di tong ahn vilij rong dehn;
46 fahn Ekron tuwaadz di wes, di hoal teritori weh deh neks tu Ashdod an ih vilij dehn.
47 Ashdod an aala di tong ahn vilij rong dehn; Gaza an aala di tong ahn vilij rong dehn, dong tu Eejip Vali, di Grayt See, ahn di ayrya bai di seesaid.
48 An eena di ayrya weh ga lata mongtin, Shaymir, Jatir, Soako,
49 Dana, Kiriyat-sana weh aalso naym Deeber,
50 Aynab, Eshtemo, Aynim,
51 Goashen, Hoalon, ahn Gailo. Da mi 11 siti an aala di vilij rong dehn.
52 Arab, Dooma, Eeshan,
53 Jaynim, Bet-tapuwa, Afeeka,
54 Homta, Kiriyat-arba weh aalso naym Hebron, ahn Zaiyor. Da mi nain siti an aala di vilij rong dehn.
55 Mayon, Karmel, Zif, Jota,
56 Jezriyel, Jokdiyam, Zanoawa,
57 Kayin, Gibiya, ahn Timna. Da mi ten siti an aala di vilij rong dehn.
58 Halhol, Bet-zer, Geedor,
59 Mayarat, Bet-aynot, an Eltekon. Da mi siks siti an aala di vilij rong dehn.
60 Kiriyat-bayal, weh aalso naym Kiriyat-jeeyarim, ahn Raba. Da mi too siti an aala di vilij rong dehn.
61 Eena di wildanes,* Bet-araba, Midin, Sekayka,
62 Nibshan, Saalt Siti, an En-gedai. Da mi siks siti an aala di vilij rong dehn.
63 Bot di man dehn fahn di chraib a Jooda kudn jraiv owt di Jebyusait dehn fahn Jeroosalem. Soh dehn stil liv da Jeroosalem lang wid di peepl fahn Jooda chraib op tu tudeh.
Futnoat
^ Dis da wahn nada naym fi di Ded See.
^ Dis da wahn nada naym fi di Grayt See, weh aalso naym di Meditaraynyan See.
^ Er “da di Loa Lan a Aykor.”
^ Er “di Loa Lan a Refayim.”
^ Dis ku aalso bee “shee klap ih han wail ih mi deh pan ih dongki.”
^ Er “di sowt.”
^ Dis naym meenz “Baysn (Bowl) a Waata.”
^ Dis ku aalso bee “Gedeera ahn dehn sheep pen dehn.”
^ Si di Glasari, “Wildanes.”
