Jashwa 19:1-51
19 Den di sekant lat* kom op fi di famili dehn fahn Simiyan chraib, ahn fi dehn inheritans mi deh eena di teritori weh Jooda chraib inherit.
2 Fi dehn inheritans da-mi Beeyer-sheeba lang wid Sheeba, Molayda,
3 Hayzar-shoowal, Bayla, Eezem,
4 Eltoalad, Beetol, Horma,
5 Ziklag, Bet-markabot, Hayzar-soosa,
6 Bet-lebayot, ahn Sharoohen. Da mi 13 siti an aal di tong ahn vilij rong dehn.
7 Dehn mi aalso get Ayin, Rimon, Eeter, an Ayshan. Da mi foa siti an aal di tong ahn vilij rong dehn;
8 an aala di tong ahn vilij weh mi deh rong dehnya siti az far az Bayalat-beeyer, weh aalso naym Rayma weh deh dong sowt. Dis da-mi di inheritans fi di famili dehn fahn Simiyan chraib.
9 Simiyan disendant dehn geh dehn inheritans eena di lan weh bilangz tu Jooda, bikaaz di lan weh Jooda get mi tu big fi dehn. Soh Simiyan disendant dehn geh sohn lan eena dehn inheritans.
10 Neks di terd lat kom op fi di famili dehn fahn Zebyulon chraib, ahn di bongjri a fi dehn inheritans gaan az faar az Sayrid.
11 Fi dehn bongjri gaan op wes da Mariyal, ahn den tu Dabeshet, ahn fahn deh ih gaahn da di vali weh deh bai Jokniyam.
12 Fahn Sayrid ih gaahn tuwaadz di ees tu Kislot-taybor boada, den ih gaan owt tu Daberat, ahn den op tu Jafaiya.
13 Ahn fahn deh ih kantinyu ees tu Gat-heefer, tu Et-kayzin, an owt tu Rimon, an aal di way tu Neeya.
14 Ahn di bongjri gaahn rong tu Hanaton, an ih en op da Ifta-el Vali,
15 ahn Katat, Nahalal, Shimron, Aidala, ahn Betlihem. Da mi 12 siti an aala di tong ahn vilij rong dehn.
16 Dis da-mi di inheritans fi di famili dehn fahn Zebyulon chraib, ahn dehnya da di siti ahn di tong dehn weh mi bilangz tu dehn.
17 Di foat lat kom op fi di famili dehn fahn Isakar chraib.
18 Ahn fi dehn bongjri gaahn fahn Jezriyel, Kesolot, Shoonem,
19 Hafarayim, Shaiyon, Anahayrat,
20 Rabit, Kishiyon, Eebez,
21 Reemet, En-ganim, En-hada, ahn Bet-pazez.
22 Ahn di bongjri gaahn da Taybor, ahn Shahazooma, ahn Bet-sheemesh, ahn dehn boada mi en aaf da di Jaadn. Da mi 16 siti an aala di tong ahn vilij rong dehn.
23 Dis da-mi di inheritans fi di famili dehn fahn Isakar chraib, ahn dehnya da di siti ahn di tong dehn weh mi bilangz tu dehn.
24 Den di fif lat kom op fi di famili dehn fahn Asher chraib.
25 Ahn fi dehn bongjri da-mi Helkat, Haylai, Beeten, Akshaf,
26 Alamelek, Aymad, ahn Maishal. Ih gaahn wes tu Karmel ahn tu Shaihor-libnat,
27 an ih ton bak tuwaadz di ees ahn gaahn da Bet-daygon ahn tu Zebyulon boada pahn di naat said a Ifta-el Vali, rong Bet-eemek ahn Niyaiyel, ahn den ih kantinyu pahn di lef said a Kaybol,
28 ahn tu Eebron, Reehob, Hamon, ahn Kayna, an az faar az Grayt Saidan.
29 Ahn di bongjri ton ahn gaahn da Rayma an az faar az di schrang siti Taiya. Den di bongjri gaahn bak tu Hoasa, an ih en aaf da di see eena di ayrya rong Akzib,
30 Oma, Ayfek, ahn Reehob. Da mi 22 siti an aala di tong ahn vilij rong dehn.
31 Dis da-mi di inheritans fi di famili dehn fahn Asher chraib, ahn dehnya da di siti ahn di tong weh mi bilangz tu dehn.
32 Den di siks lat kom op fi di famili dehn fahn Naftalai chraib.
33 Dehn bongjri staat da Heelef, fahn di big chree eena Zayananim, an ih gaahn da Adami-neekeb ahn Jabniyel az faar az Lakom, an ih en aaf da di Jaadn.
34 Di bongjri ton wes ahn gaahn da Aznot-taybor, ahn fahn deh ih gaahn da Hokok, ahn da Zebyulon boada pahn di sowt an Asher boada pahn di wes, ahn den ih gaan ees tu Jooda da di Jaadn.
35 Ahn di schrang siti dehn eena fi dehn teritori da-mi Zidim, Zer, Hamat, Rakat, Kineret,
36 Adama, Rayma, Hayzor,
37 Keedesh, Ejriyai, En-hayzor,
38 Yairon, Migdal-el, Hoarem, Bet-aynat, ahn Bet-sheemesh. Da mi 19 siti an aala di tong ahn vilij rong dehn.
39 Dis da-mi di inheritans fi di famili dehn fahn Naftalai chraib, ahn dehnya da di siti ahn tong weh mi bilangz tu dehn.
40 Den di sevent lat kom op fi di famili dehn fahn Dan chraib.
41 Ahn di boada fi dehn inheritans da-mi Zoara, Eshtaol, Ir-sheemesh,
42 Shayalabin, Aijalon, Itla,
43 Eelon, Timna, Ekron,
44 Elteka, Gibeton, Bayalat,
45 Jeehod, Bene-beerak, Gat-rimon,
46 Mee-jarkon, ahn Rakon, wid di boada weh deh kloas tu Japa.
47 Bot di teritori weh Dan chraib get neva big inof fi dehn. Soh dehn gaan op ahn waar gens di siti a Leeshem ahn kanka it, ahn dehn tek dehn soad ahn kil di peepl weh liv deh. Den dehn tek oava di siti ahn setl eena it. Ahn dehn chaynj di naym a it fahn Leeshem tu Dan, afta di naym a dehn ansesta.
48 Dis da-mi di inheritans fi di famili dehn fahn Dan chraib, ahn dehnya da di siti ahn di tong dehn weh mi bilangz tu dehn.
49 Soh dehn mi finish divaid op di lan, sekshan bai sekshan, fi mek eech chraib geh dehn inheritans. Den di Izrelait dehn mi giv Non son Jashwa wahn inheritans monks dehn.
50 Dehn giv ahn di siti weh ih aks fa, jos laik weh Jehoava koman dehn. Dehn giv ahn Timnat-seera eena di mongtin dehn da Eefrayim, ahn hihn bil op di siti ahn setl eena it.
51 Soh Eliyayza di prees, Non son Jashwa, ahn di famili cheef dehn a di chraib dehn eena Izrel mi shayr op di lan az wahn inheritans da Shailo fronta Jehoava, rait da di enchrans a di meetin tent. Soh dehn finish shayr op di lan.
Futnoat
^ Si di Glasari, “Lats.”
