Jashwa 21:1-45
21 Den di famili cheef dehn fahn Leevai chraib gaahn da Eliyayza di prees, Non son Jashwa, ahn di famili cheef dehn fahn di ada Izrelait chraib dehn.
2 Ahn dehn gaahn taak tu dehn da Shailo eena di lan a Kaynan ahn tel dehn: “Jehoava tel Moaziz dat wi fi geh sohn siti fi liv eena ahn di paascha lan rong dehndeh siti fi wi animal dehn.”
3 Soh jos laik how Jehoava koman dehn, di Izrelait dehn gi di Leevait dehn dehnya siti lang wid dehn paascha lan owta dehn inheritans.
4 Ahn di fers lat* weh kom op da-mi fi di famili dehn weh da-mi Koahat disendant, ahn di Leevait dehn hoo da-mi Ayron disendant mi geh 13 siti eena di teritori weh bilangz tu Jooda chraib, Simiyan chraib, ahn Benjamin chraib.
5 Ahn di res a Koahat disendant dehn mi geh ten siti eena di teritori weh bilangz tu Eefrayim chraib, Dan chraib, ahn di haaf a Manaaseh chraib.
6 Ahn Gershon disendant dehn mi geh 13 siti eena di teritori weh bilangz tu Isakar chraib, Asher chraib, Naftalai chraib, ahn di haaf a Manaaseh chraib weh deh da Bayshan.
7 Di famili dehn weh da-mi Meraarai disendant mi geh 12 siti eena di teritori weh bilangz tu Rooben chraib, Gad chraib, ahn Zebyulon chraib.
8 Soh di Izrelait dehn gi di Leevait dehn dehnya siti lang wid di paascha lan rong dehn, jos laik weh Jehoava mi tel Moaziz.
9 Jooda chraib ahn Simiyan chraib giv dehnya siti
10 tu Koahat famili lain hoo da Ayron disendant fahn Leevai chraib, bikaaz fi dehn lat da-mi di fers fi kom op.
11 Dehn gi dehn Kiriyat-arba (Arba da-mi Aynak pa) eena di mongtin dehn da Jooda an aala di paascha lan rong it. Hebron da wahn nada naym fi Kiriyat-arba.
12 Bot dehn gi Jefona son Kayleb di feel ahn di vilij dehn weh di sorong Hebron.
13 Ahn dehn mi gi Hebron an aal di paascha lan rong it tu Ayron di prees disendant dehn. Hebron da-mi wan a di sayf siti wehpaat wahn persn ku ron tu if dehn kil sombadi. Dehn mi aalso gi dehn Libna lang wid aal di paascha lan rong it,
14 Jatir lang wid aal di paascha lan rong it, Eshtemowa lang wid aal di paascha lan rong it,
15 Hoalon lang wid aal di paascha lan rong it, Deeber lang wid aal di paascha lan rong it,
16 Ayin lang wid aal di paascha lan rong it, Jota lang wid aal di paascha lan rong it, ahn Bet-sheemesh lang wid aal di paascha lan rong it. Aal tugeda da mi nain siti owta dehnya too chraib.
17 Ahn fahn Benjamin chraib dehn geh Gibiyon lang wid aal di paascha lan rong it, Geeba lang wid aal di paascha lan rong it,
18 Anatot lang wid aal di paascha lan rong it, an Almon lang wid aal di paascha lan rong it. Aal tugeda da mi foa siti.
19 Dehn mi gi dehndeh 13 siti, lang wid aal di paascha lan rong dehn, tu Ayron disendant dehn hoo da-mi di prees dehn.
20 Ahn di res a di Leevait famili dehn fahn Koahat famili lain mi geh sohn siti eena di teritori weh bilangz tu Eefrayim chraib.
21 Dehn mi gi dehn Sheekem weh da wan a di sayf siti wehpaat wahn persn ku ron tu if dehn kil sombadi. Dehn mi aalso gi dehn di paascha lan rong Sheekem weh deh eena di mongtin dehn da Eefrayim. Ahn dehn mi gi dehn Geezer lang wid aal di paascha lan rong it,
22 Kibzayim lang wid aal di paascha lan rong it, ahn Bet-hoaron lang wid aal di paascha lan rong it. Aal tugeda da mi foa siti.
23 Ahn fahn Dan chraib, dehn geh Elteka lang wid aal di paascha lan rong it, Gibeton lang wid aal di paascha lan rong it,
24 Aijalon lang wid aal di paascha lan rong it, Gat-rimon lang wid aal di paascha lan rong it. Aal tugeda da mi foa siti.
25 Ahn fahn di haaf a Manaaseh chraib, dehn geh Tayanak lang wid aal di paascha lan rong it ahn Gat-rimon lang wid aal di paascha lan rong it. Aal tugeda da mi too siti.
26 Soh Koahat disendant dehn mi geh ten siti lang wid aal di paascha lan rong dehn.
27 Ahn di Leevait dehn weh da Gershon disendant geh Goalan weh deh da Bayshan lang wid aal di paascha lan rong it fahn di haaf a Manaaseh chraib. Goalan da wan a di sayf siti wehpaat wahn persn ku ron tu if dehn kil sombadi. Dehn mi aalso geh Biyeshtera lang wid aala di paascha lan rong it. Aal tugeda da mi too siti.
28 Ahn fahn Isakar chraib, dehn geh Kishiyon lang wid aal di paascha lan rong it, Daberat lang wid aal di paascha lan rong it,
29 Jarmot lang wid aal di paascha lan rong it, an En-ganim lang wid aal di paascha lan rong it. Aal tugeda da mi foa siti.
30 Ahn fahn Asher chraib, dehn geh Maishal lang wid aal di paascha lan rong it, Abdon lang wid aal di paascha lan rong it,
31 Helkat lang wid aal di paascha lan rong it, Reehob lang wid aal di paascha lan rong it. Aal tugeda da mi foa siti.
32 Ahn fahn Naftalai chraib dehn geh Keedesh eena Gyalilee lang wid aal di paascha lan rong it. Keedesh da wan a di sayf siti wehpaat wahn persn ku ron tu if dehn kil sombadi. Aalso, Hamot-dor lang wid aal di paascha lan rong it, ahn Kartan lang wid aal di paascha lan rong it. Aal tugeda da mi chree siti.
33 Soh di famili dehn weh da Gershon disendant mi geh 13 siti lang wid aal di paascha lan rong dehn.
34 Ahn Zebyulon mi gi di res a di Leevait dehn, weh da Meraarai disendant dehn, Jokniyam lang wid aal di paascha lan rong it, Karta lang wid aal di paascha lan rong it,
35 Dimna lang wid aal di paascha lan rong it, ahn Nahalal lang wid aal di paascha lan rong it. Aal tugeda da mi foa siti.
36 Ahn fahn Rooben chraib dehn geh Beezer lang wid aal di paascha lan rong it, Jayhaz lang wid aal di paascha lan rong it,
37 Kedemot lang wid aal di paascha lan rong it, ahn Mefaat lang wid aal di paascha lan rong it. Aal tugeda da mi foa siti.
38 Ahn fahn Gad chraib dehn geh Raymot eena Gilyad lang wid aal di paascha lan rong it. Raymot da wan a di sayf siti wehpaat wahn persn ku ron tu if dehn kil sombadi. Aalso, Mahanayim lang wid aal di paascha lan rong it,
39 Heshbon lang wid aal di paascha lan rong it, ahn Jayzer lang wid aal di paascha lan rong it. Aal tugeda da mi foa siti.
40 Soh di res a di Leevait dehn, weh da Meraarai disendant dehn, mi geh 12 siti lang wid aal di paascha lan rong dehn.
41 Di Leevait dehn mi geh 48 siti lang wid aal di paascha lan rong dehn eena di teritori weh bilangz tu di ada Izrelait chraib dehn.
42 Eech an evri wan a dehnya siti mi ga paascha lan aal rong dehn.
43 Soh Jehoava gi di Izrelait dehn aal di lan weh ih mi swayr fi gi dehn ansestaz, ahn dehn tek it oava ahn setl deh.
44 Soh Jehoava mek dehn ga pees eena di lan, jos laik weh ih mi swayr tu dehn ansestaz. Ahn nat wan a dehn enimi kuda mi stan op tu dehn, bikaaz Jehoava gi dehn vikchri oava dehn enimi dehn.
45 Jehoava neva brok non a di gud pramis dehn weh ih mek tu di Izrelait dehn; evri singl wan a dehn mi kohn chroo.
Futnoat
^ Si di Glasari, “Lats.”
