Joab 10:1-22
10 “Ah hayt mi laif.
Ah wahn komplayn ahn komplayn.
Ah waahn Gaad noa humoch Ah di sofa!
2 Ah wahn tel Gaad: ‘Noh seh dat Ah gilti,
Ahn tel mi wai yu di fait gens mi.
3 Yu tink yu wahn benifit if yu kruwil tu miAn if yu hayt di werk weh yu du?Wai yu hapi wid di advais weh kohn fahn wikid peepl?
4 Yu noh ga aiy laik wahn hyooman,Ahn yu noh si di saym way wahn hyooman si.
5 Yu laif noh shaat laik wahn hyooman laif,Ahn yu noh liv onli fi wahn lee bit a yaaz laik wahn hyooman.
6 Dat da wai yu di luk fi mi mistayk dehnAhn yu kip di luk fi mi sin dehn.
7 Yoo noa dat Ah noh gilti;Ahn nobadi ku sayv mi fahn yu han.
8 Yu mek mi ahn shayp mi wid yu oan han dehn,Bot now yu waahn dischrai mi fi gud.
9 Pleez memba dat yu mek mi owta klay,Ahn now yu waahn mek Ah goh bak tu dos.
10 Da neva yoo poar mi owt laik milkAhn kerdl mi laik cheez?
11 Yu kova mi wid skin ahn flesh laik if yu di kova mi wid kloaz,Ahn yu weev aala mi boan ahn mosl dehn tugeda.
12 Yu gi mi laif ahn shoa mi lata lov;*Yu tek kayr a mi ahn protek mi laif.*
13 Bot fahn lang taim yu mi plan fi du bad tingz tu mee.*
An Ah noa dat dehndeh tingz kohn fahn yoo.
14 If Ah mi sin, yu wuda wach mi,Ahn yu neva mi wahn fergiv mi fi mi sin dehn.
15 Sari fi mee if Ah gilti!
An eevn if Ah inosent, Ah kyaahn rayz op mi hed,Bikaaz Ah feel shaym an Ah sofa wahn lat.
16 If Ah rayz op mi hed, yu hont fi mi laik wahn laiyan,Ahn yu yooz yu powa fi hert mi agen.
17 Yu bring sohn nyoo witnis fi goh gens mi,Ahn yu geh moa beks wid miWail moa ahn moa bad tingz di hapm tu mi.
18 Soh wai yu tek mi owta mi ma woom?
Ah shuda mi ded bifoa enibadi kuda mi si mi.
19 Ih mi wahn bee laik if Ah neva egzis,Laik if dehn tek mi owta mi ma woom ahn put mi eena di grayv.’
20 Ah ga wahn lee bit a dayz lef. Mek Gaad lef mi loan;
Mek ih stap luk pahn mi soh dat Ah ku feel beta
21 Bifoa Ah goh da di lan weh daak daak,Di plays weh Ah noh wahn kohn bak fram.
22 Da lan ful op a daaknis,An ih geh pich blak ahn no aada dehdeh;Eevn di lait fahn da lan da laik daaknis.”
Futnoat
^ Er “shoa mi laayal lov.” Si di Glasari, “Laayal lov.”
^ Lit., “spirit.”
^ Lit., “Ahn yu mi haid dehndeh tingz eena yu haat.”
