Joab 16:1-22
16 Den Joab seh:
2 “Ah don hyaa wahn lata tingz laik dat bifoa.
Insteda komfert mi, unu mek Ah sofa eevn moa.
3 Wai unu kyaahn stap seh emti werdz?
Weh mek yu* seh dehndeh tingz?
4 If unu mi-di sofa laik mee,
Ah kuda mi seh di saym tingz tu.Ai kuda mi seh lata tingz gens unuAhn shayk mi hed wen Ah si unu.
5 Bot Ah neva mi wahn du dat. Ah mi wahn schrentn unu wid di werdz weh kom owta mi mowt,
Ahn di werdz fahn mi lip mi wahn mek unu feel beta.
6 Bot if Ah taak, Ah stil deh eena payn.An if Ah stap taak, Ah stil ga payn.
7 Fi shoar Gaad don mek Ah feel taiyad.Hihn tek weh dehn wan weh mi liv eena mi hows.*
8 Hihn di mek Ah sofa, ahn peepl di see’t.Ah soh maaga da laik if mi kandishan stan op fi taak gens mi fi mek Ah luk gilti.
9 Hihn soh beks wid mi da laik if ih don tayr mi intu peesiz.
Hihn hayt mi, an ih beks bad* wen ih si mi.
Hihn luk pahn mi laik if ih beks wid mi, an ih waahn hert mi laik if hihn da mi enimi.
10 Peepl oapm dehn mowt big fi mek fon a mi.Dehn baks mi pahn mi cheek fi insolt mi.Ahn lata peepl gyada tugeda fi goh gens mi.
11 Gaad alow sohn bwai fi atak mi,Ahn hihn mek wikid peepl hert mi.
12 Ah neva ga no prablemz eena mi laif, bot hihn brok mi intu peesiz.Ih grab mi fahn di bak a mi nek ahn krosh mi.
Den ih shoot sohn aro aata mi.
13 Hihn sen peepl weh shoot aro fi deh aal rong mi.Hihn noh feel sari fi mi ataal, an ih aro dehn goh eena mi kidni.Ih feel laik ih poar owt di bail fahn mi liva pahn di ert.
14 Ai da laik wahn waal weh hihn kip di bos chroo,An ih kom aata mi laik wahn soalja.
15 Ah tek sohn klaat weh mek owta goat hyaa ahn soa dehn tugeda soh Ah ku kova mi skin.
An Ah don beri mi schrent* eena di dos.
16 Mi fays luk red sayka weh Ah di baal ahn baal,Ahn rong mi aiy luk daak,
17 Eevn doa Ah mi pray fahn mi haatAn Ah neva du notn fi hert adaz.
18 Oa ert, noh haid mi blod!
Mek ih krai owt fi mi!
19 Bot rait now sombadi deh da hevn weh ku seh dat Ai noh gilti.Di wan weh deh da hevn ku taak op fi mi.
20 Mi fren dehn di mek fon Ah mi,Bot wail Ah di pray tu Gaad, Ah di krai.
21 Mek sombadi setl di kays bitween mee ahn Gaad,Jos laik how sombadi wuda setl wahn kays bitween wahn persn an ih nayba.
22 Ah noh ga lata yaaz lef fi liv.Ah gwehn weh an Ah noh wahn kohn bak.
Futnoat
^ Dis di rifaa tu Elifaz.
^ Er “weh gyada tugeda fi deh wid mi.”
^ Lit., “ih grain ih teet.”
^ Lit., “haan.”
