Joab 23:1-17
23 Den Joab seh:
2 “An eevn tudeh Ah wahn kip di komplayn;Ah looz mi schrent bikaaz Ah di sofa.
3 If Ah mi onli noa wehpaat Ah ku fain Gaad,
Den Ah wuda goh da di plays wehpaat ih liv.
4 Ah wuda goh fronta Gaad fi tel ahn mi kays,An Ah wuda proov tu ahn wid weh Ah seh dat Ah inosent.
5 Ah wuda hyaa weh ih ga fi sehAn Ah wuda pay atenshan tu ahn.
6 Yu tink hihn wuda yooz ih grayt powa fi goh gens mi?
No, fi shoar hihn wuda gi mi di chaans fi taak.
7 Den di raichos wan kuda set mataz schrayt wid Gaad,Ahn mai Joj wuda proov dat fahn ya goh bak, Ai da wahn inosent persn.
8 Bot if Ah goh ees, hihn noh dehdeh,Ahn wen Ah kohn bak, Ah stil kyaahn fain ahn.
9 Wen Gaad di werk pahn di lef, Ai kyaahn luk pan ahn;Ahn wen ih ton tu di rait, Ah stil noh si ahn.
10 Bot hihn noa dat Ah di waak pahn di karek road.
Afta ih tes mi owt, Ah wahn bee laik pyoar goal.
11 Mi fut dehn fala fi hihn futstep dehn kloas-wan;Ah kip di waak pahn fi hihn road, an Ah noh schray weh.
12 Ah noh lef di komanment dehn weh ih seh.
Ai reeli lov ih werd dehn, an Ah du moa dan weh ih mi aks mi fi du.
13 Wen hihn mek op ih main fi du sohnting, hoo ku stap ahn?
Ahn wen ih waahn du sohnting, ih du it.
14 Hihn wahn du evriting weh ih seh ih wahn du tu mi,An ih di plan fi du moa tingz laik dat.
15 Dat da wai Ah frayd fi Gaad,Ahn wen Ah tink bowt ahn, Ah geh moa frayd.
16 Gaad mek Ah looz mi korij,Ahn di Almaiti mek Ah feel frayd.
17 Ah kyaahn si bikaaz ih daak daak,Bot stilyet Ah noh wahn kip kwaiyet.
