Joab 25:1-6
25 Den Bildad, di Shoohait man, seh:
2 “Gaad di rool an ih ga amayzin powa;Hihn di mek pees da hevn.
3 Yu tink ih pasabl fi mek enibadi konk ih aami?
Yu noh tink hihn shain ih lait pahn evribadi?
4 Yu tink ih pasabl fi mek hyoomanz bee raichos fronta Gaad?Er ih pasabl fi mek sohnbadi bee inosent?*
5 Nat eevn di moon brait tu Gaad,Ahn di staar dehn noh pyoar eena fi hihn aiy dehn,
6 Soh wers yet, hihn noh wahn kansida hyoomanz fi bee inosent.Dehn da laik sohn insek. Yes, dehn da laik sohn werm!”
Futnoat
^ Er “pyoar.”