Joab 30:1-31
30 “Ahn now di man dehn weh yonga dan mee laaf aata mi.Dehndeh da di saym yong man dehn hoofa paAh wuda neva eevn alow fi goh kloas tu mi daag dehnWeh main mi sheep dehn.
2 Dehndeh yong man neva yooz dehn schrent fi help mi.
Ahn now dehn looz dehn schrent.
3 Dehn week bikaaz dehn poa ahn hongri.Dehn choo pahn eniting weh dehn fain pahn jrai lanWeh mi geh dischrai ahn weh nobadi di liv pan.
4 Dehn pik sohn saalti leef* fahn monks di bush dehn.Ahn dehn eet sohn bita roots fahn di broom chree dehn.
5 Peepl kik dehn owt fahn di tong dehn;Dehn chays dehn weh jos laik how dehn wuda chays weh wahn teef.
6 Dehn liv eena di vali* dehn an eena di kayv ahn rak dehn.
7 Dehn baal owt fi help fahn monks di bush,Ahn dehn gyada kloas tugeda monks di taal plaants.
8 Dehn noh ga no sens ahn dehn noh gud fi notn,
Ahn sayka dat, peepl kik dehn owta di lan.
9 Bot eevn wen dehn sing, dehn mek fon a mi;Dehn laaf aata mi.
10 Dehn hayt mi ahn dehn stay faar fahn mi;Dehn noh frayd fi spit eena mi fays.
11 Gaad mek Ah geh week* an ih hombl mi.Ahn sayka dat, wen dehn si mi, dehn noh hoal bak fahn disrispek mi.*
12 Dehn kohn pahn mi rait han said fi stan op gens mi jos laik wahn krowd weh atak mi.Dehn chays afta mi ahn dehn blak mi way soh dehn ku dischrai mi.
13 Dehn dischrai mi road,Ahn dehn mek Ah sofa moa.Ahn nobadi ku stap dehn.*
14 Dehn kom een laik if dehn di goh chroo wahn big hoal eena wahn waal.Aala dehn kom eena wahn plays weh don geh dischrai.
15 Ah geh frayd bad.Mi aana disapyaa jos laik dos weh di breez bloa weh,Ahn mi salvayshan disapyaa laik wahn klowd.
16 Now Ah* wahn ded,An Ah di sofa evri day.
17 Payn mek Ah sofa* da nait,An ih noh goh weh.
18 Mi kloaz geh twis op bad.*Ih di choak mi jos laik how di kala fahn mi kloaz choak mi.
19 Gaad chroa mi dong eena di mod,Ahn now Ai da laik dos an ashiz.
20 Ah krai tu yoo fi help, bot yu noh ansa mi.Ah stan op, bot yu jos luk pahn mi.
21 Yu mi kruwil tu mi wen yu ton gens mi,Ahn yu han atak mi wid aala ih schrent.
22 Yu pik mi op ahn yu mek di breez bloa mi weh,Ahn yu chroa mi bowt eena wahn staam.
23 Ah noa dat yu wahn mek Ah dedAhn goh da di hows wehpaat evribadi weh alaiv wahn en op.
24 Bot nobadi noh wahn dischrai wahn week persnWail ih di baal fi help wen ih di sofa.
25 Yu noh tink Ah baal fi dehn wan weh ga laif haad?*
Ahn yu noh tink Ah* feel sari fi poa peepl?
26 Ah mi-di hoap fi mek gud tingz hapm tu mi, bot bad tingz hapm tu mi insted.
Ah mi ekspek fi si lait, bot Ah mi si daaknis insted.
27 Sohnting di bada mi aala di taim.Di taim fi mek Ah sofa don kohn.
28 Ah waak bowt an Ah feel sad, ahn di son noh di shain.
Ah get op ahn baal fi help monks sohn peepl weh gyada tugeda.
29 Ai da laik wahn breda tu di wail daag dehn,*An Ai da laik wahn fren tu di oschrij dehn.
30 Mi skin geh blak an ih peel aaf,Ahn mi siknis mek mi badi* geh hat.*
31 Mi haap geh yooz onli wen peepl di moarn,Ahn mi floot* geh yooz wen peepl di baal ahn baal.
Futnoat
^ Lit., “saalt herb.”
^ Er “wadi.” Si di Glasari, “Wadi.”
^ Lit., “loos di schring fahn mi boa.”
^ Er “Dehn tek aaf dehn braidl wen dehn disrispek mi.”
^ Dis ku aalso bee “Ahn nobadi deh fi help dehn.”
^ Er “mi soal.” Si di Glasari, “Soal.”
^ Er “Payn goh chroo mi boan dehn.”
^ Dis ku aalso bee “Mi sofarin soh bad dat ih chaynj di way how Ah luk.”
^ Er “weh di ga wahn rof day.”
^ Er “mi soal.”
^ Lit., “di jakal dehn.”
^ Lit., “boan dehn.”
^ Er “mek Ah kech wahn feeva.”
^ Er “paip.”
