Joab 32:1-22
32 Soh dehndeh chree man mi stap chrai ansa Joab, bikaaz hihn mi shoar dat ih neva du notn rang.*
2 Bot Ilaihoo, hoofa pa da-mi Barakel di Bozait man ahn hoo da-mi fahn Ram famili, mi geh beks bad wid Joab, bikaaz Joab mi-di chrai proov dat hihn* da di wan weh raichos, noh Gaad.
3 Ahn hihn mi beks bad wid Joab chree fren dehn bikaaz dehn kudn fain di karek ansa, bot insted dehn mi seh dat Gaad ga di faalt.
4 Ilaihoo mi-di wayt fi taak tu Joab, bikaaz aala dehndeh man mi oalda dan hihn.
5 Wen Ilaihoo mi si dat dehndeh chree man neva ga notn fi seh, ih mi geh moa beks.
6 Den Ilaihoo, hoofa pa da Barakel di Bozait man, mi seh:
“Ai yongAn unu oalda dan mee.
Soh owta rispek Ah neva seh notn,An Ah wudn eevn tink fi tel unu weh Ah noa.
7 Ah mi tink tu miself, ‘Mek dehn wan weh oalda dan mee taak,Ahn mek dehn wan weh liv fi wahn lata yaaz teech wizdom.’
8 Bot da Gaad di Almaiti gi peepl ih hoali spirit, er bret,Soh dat dehn ku ga andastandin.
9 Jos bikaaz wahn persn oal dat noh meenz ih waiz,Ahn da noh onli sohnbadi weh oalda noa weh rait.
10 Soh Ah seh, ‘Lisn tu mi,An Ah wahn tel yu weh Ah noa.’
11 Ah mi wayt fi mek unu seh weh unu mi ga fi seh.Ai mi-di lisn tu weh unu tinkWail unu mi-di fain tingz fi seh.
12 Ah lisn gud tu unu,Bot non a unu kuda mi ansa Joab ahn proov dat weh ih seh rang.*
13 Soh noh seh, ‘Wi fain wizdom.Gaad da di wan weh proov ahn rang ahn noh peepl.’
14 Joab neva di taak tu mee,Soh Ah noh wahn tel ahn di saym tingz weh unu tel ahn.
15 Dehndeh man* deh eena shak, dehn noh ga nohmoh ansa;Dehn noh ga notn els fi seh.
16 Ai mi-di wayt, bot dehn neva kantinyu fi taak.Dehn jos mi-di stan op deh, ahn dehn stap ansa.
17 Soh Ai wahn taak,An Ah wahn tel unu weh Ah noa.
18 Dehn ga lata tingz weh Ah waahn seh,Ahn di hoali spirit moov mi fi taak.
19 Ah feel wahn presha eensaida mi.Da laik wahn bag weh mek owta animal skin weh ful op a wain ahn weh redi fi bos.
20 Mek Ah taak soh dat Ah ku feel beta!
Ah wahn oapm mi mowt ahn tel yu weh Ah ga fi seh.
21 Ah wahn chreet evribadi di saym way,An Ah noh wahn sweet taak nobadi,*
22 Bikaaz Ah noh noa how fi sweet taak enibadi.If Ah mi noa how fi du dat, di wan weh mek mi wuda mi don dischrai mi.
Futnoat
^ Er “bikaaz hihn mi raichos eena ih oan aiyz.”
^ Er “ih soal.” Si di Glasari, “Soal.”
^ Er “karek ahn.”
^ Ih pasabl dat rait ya Ilaihoo di taak tu Joab.
^ Er “Ah noh wahn gi wahn taitl tu nobadi fi aana dehn.”
