Joab 34:1-37
34 Soh Ilaihoo seh:
2 “Lisn tu weh Ah di tel unu, unu weh waiz;Hyaa weh Ah ga fi seh, unu weh noa wahn lata tingz.
3 Di ayz tes owt werdzDi saym way di tong tays food.
4 Mek wi fain owt fi wiself weh rait,Ahn mek wi disaid monks wiself weh gud.
5 Bikaaz dis da weh Joab seh, ‘Ah neva du notn rang,Bot Gaad noh chreet mi fyaa.
6 Yu tink Ah shuda lai ahn seh dat Ah noh dizerv fi geh jostis?
Ah stil di sofa eevn doa Ah noh du notn rang.’
7 Dehn ga enibadi laik JoabWeh jrink op di insolt dehn jos laik if ih di jrink waata?
8 Veri soon hihn wahn deh monks peepl weh du bad tingzAn ih wahn deh wid wikid peepl.
9 Bikaaz dis da weh hihn mi seh, ‘Wahn persn noh geh notnWen ih chrai pleez Gaad.’
10 Soh unu lisn tu mi, unu weh ga andastandin:
Ih impasabl fi mek di chroo Gaad du wikid tingzAhn fi mek di Almaiti du weh bad!
11 Gaad wahn riwaad wahn persn fi weh ih du.Ahn hihn wahn giv ahn weh ih dizerv.
12 Ah di tel yu di chroot, Gaad noh du wikid tingz.Di Almaiti aalwayz joj eena wahn fyaa way.
13 Hoo put ahn in chaaj a di ert?Ahn hoo giv ahn atariti fi rool oava di hoal werl?*
14 An if hihn noatis weh peepl du,An ih tek weh dehn laif ahn dehn bret,
15 Den aala dehn wuda ded ahn goh bak tu dos.
16 Soh if yu ga andastandin, pay atenshan tu weh Ah wahn seh.Pleez lisn gud tu weh Ah wahn tel yu.
17 Yu tink sohnbadi weh hayt jostis ku rool?Er yu wuda kandem wahn roola weh raichos?
18 Yoo wuda tel wahn king, ‘Yu noh gud fi notn’?
Er yu wuda tel wahn impoatant persn, ‘Yu wikid’?
19 Gaad chreet di prins dehn di saym way ih chreet evribadi els.Ih noh chreet rich peepl beta dan poa peepl,*Bikaaz ih mek aala dehn wid ih han.
20 Owta no way dehn ded eena di midl a di nait.Dehn chrimbl bad sayka weh dehn soh frayd, ahn dehn ded.Eevn powaful peepl disapyaa, bot da noh bikaaz hyoomanz mek dat hapm.
21 Gaad si evriting weh wahn persn du,An ih si eech step weh ih tek.
22 Ahn dehn noh ga no daaknis ner daak shadoWehpaat peepl weh du bad tingz ku haid dehnself.
23 Gaad noh ga wahn set taim fi enibadiFi goh fronta dehn ahn joj dehn.
24 Hihn dischrai di roola dehn widowt kweschan dehn,An ih put adaz eena fi dehn plays.
25 Hihn noa weh dehn di du.Hihn kanka dehn joorin di nait, an ih dischrai dehn.
26 Hihn beet dehn sayka weh dehn soh wikid.Ih du dat fronta evribadi,
27 Bikaaz dehn stap fala hihn,Ahn dehn noh kay bowt notn weh ih du.
28 Sayka weh dehn du, dehn mek poa peepl baal owt tu hihn fi help.Ahn soh hihn hyaa wen dehn wan weh kyaahn help dehnself di baal.
29 Hoo ku kandem Gaad wen ih stay kwaiyet?
Hoo ku si Gaad wen ih haid ih fays?
Ih noh mata if ih haid ih fays fahn wahn hoal nayshan er fahn wan man, di saym ting wahn hapm.
30 Hihn noh wahn alow wahn wikid persn* fi roolNer fi chrai chrap di peepl.
31 Yoo di tel Gaad,‘Ai di sofa eevn doa Ah neva du notn rang.
32 Shoa mi weh Ah noh noa.If Ah mi du sohnting rang, den Ah noh wahn du it agen.’
33 Yu tink hihn wahn riwaad yu ahn du weh yoo waahn
Eevn doa yu noh aksep weh ih disaid fi du?
Da yoo fi disaid, noh mee; soh tel mi weh yu noa.
34 Dis da weh di waiz man dehnWeh ga andastandin wahn tel mi wen dehn hyaa mi:
35 ‘Joab taak widowt noa di hoal chroot,Ahn weh ih seh shoa dat ih noh ga andastandin.’
36 Mek Joab chraiyalz tes ahn tu di limit,Bikaaz ih ansa di saym way how wikid peepl wuda ansa!
37 Ih don sin an ih da wahn rebl.Ih klap ih han dehn fronta wi bikaaz ih hayt wi,An ih seh lata bad tingz bowt di chroo Gaad!”
Futnoat
^ Er “di ert wehpaat peepl liv.”
^ Er “Ih noh chreet impoatant peepl beta dan kaman peepl.”
^ Er “wahn apastayt.” Si di Glasari, “Apastayt.”
