Joab 35:1-16
35 Den Ilaihoo seh:
2 “Yoo soh shoar dat weh yu seh karek dat yu wuda seh,‘Ai moa raichos dan Gaad’?
3 Bikaaz yoo seh, ‘Wai yoo* kay soh moch if Ah du weh rait?
Yu tink Ai deh eena wahn beta sichuwayshan eevn doa Ai neva sin?’
4 Ah wahn ansa yooAhn yu fren dehn weh deh wid yu.
5 Luk op eena di skaiAhn si di klowd dehn weh deh hai oava yu.
6 Yoo tink if yu sin yu di hert Gaad?
Er yu tink eniting wahn hapm tu Gaad if yu sin oava ahn oava agen?
7 Yu tink yu di gi Gaad eniting if yu raichos?Yu tink hihn get eniting fahn yu?
8 Di wikid tingz weh yu du onli afek peepl laik yuself,Ahn di gud tingz weh yu du onli benifit ada peepl.
9 Peepl baal owt fi help wen ada peepl chreet dehn kruwil.Dehn beg fi help sayka di tingz weh powaful peepl du tu dehn.
10 Bot nobadi seh, ‘Wehpaat Gaad deh, mi Wandaful KriyaytaWeh mek peepl sing sang da nait?’
11 Ih teech wi soh dat wi waiza dan di animal dehn pahn di ert,An ih mek wi waiza dan di berd dehn weh flai eena di skai.
12 Peepl baal owt fi help, bot hihn noh ansa dehn,Sayka weh dehn prowd ahn wikid.
13 Fi shoar di Almaiti Gaad noh hyaa sohnbadi weh di krai fi notn,*An ih noh lisn tu dehn.
14 Soh wers yet ih noh wahn lisn tu yu wen yu komplayn dat yu noh si ahn.
Yu fi wayt fi mek ih joj yu kays,
15 Bikaaz hihn neva geh beks wid yu an ih neva ponish yu,An ih neva pay main tu yu wen yu mi-di taak widowt tink.
16 Soh Joab oapm ih mowt fi notn,An ih taak ahn taak widowt noa weh ih di seh.”
